Ko Hoku Hala ʻi he Fuakavá
ʻI he tui fakapapau
Ko e fuakavá ko ha aleapau,
Ko ha palōmesi ʻoku ou fai mo e ʻEikí.
ʻOkú Ne foaki ʻi he ʻofa ke tāpuekina ai au
Kapau te u tauhi ki Heʻene leá.
ʻOku ou palōmesi ke tauhi ʻEne ngaahi fekaú,
Pea kapau te u nofo ʻi Heʻene māmá,
ʻOkú Ne talaʻofa mai e ngaahi tāpuaki taʻe-fakangatangata—
Kakato ʻo e fiefiá ʻi Hono tafaʻakí.
Ke fakalāngilangiʻi ʻeku fuakava papitaisó
Te u toʻo ʻa e huafa ʻo Sīsuú kiate au,
Manatu kiate Ia, tauhi ʻEne ngaahi fekaú.
Te u hoko ko ʻEne ākonga faivelenga.
Te u fiefia ke fakafoʻou e ngaahi fuakava mahuʻingá
ʻI he Sāpate takitaha ʻi he lotu tāpuaki ʻo e sākalamēnití,
Pea te u hū ki he temipalé ʻi ha ʻaho
Pea fai ai ha ngaahi fuakava toputapu.
Te u manatuʻi ʻeku ngaahi fuakavá.
ʻOku nau fakahā mai kiate au e hala ki heʻeku Tamai ʻi ʻolungá.
Te u faivelenga ki hoku ngaahi fuakavá
Mo nofo ʻi he halá, ko hoku hala ki he fuakavá,
Malu ʻi he ʻofa ʻa hoku Fakamoʻuí.
Te u nofo ʻi he halá, ko hoku hala ki he fuakavá,
Malu ʻi he ʻofa ʻa hoku Fakamoʻuí.
© 2014 ʻe Marvin K. Gardner mo Vanja Y. Watkins. Maʻu ʻa e ngaahi totonu fakalao kotoa pē. Fakaʻaongaʻi ʻi hono fakangofuá.
ʻE lava ke hiki ha tatau ʻo e foʻi hivá ni ke fakaʻaongaʻi ʻi he ngaahi meʻa ʻa e Siasí ʻoku ʻikai fakakomēsialé pe ko hono fakaʻaongaʻi pē ʻi ʻapí.
Kuo pau ke fakakau e fakatokanga ko ʻení ʻi he tatau kotoa pē ʻoku hikí.