Pagdala sa Primary ngadto sa Panimalay
Atong Hinumduman ug Simbahon ang Atong Manluluwas, si Jesukristo
Ang mga tagsulat nagpuyo sa Utah, USA.
Pagkat-on og dugang mahitungod sa tema sa Primary karong bulana!
Niadtong dugay nang panahon ang Langitnong Amahan misulti sa Iyang mga propeta mahitungod sa talagsaong gasa nga Iyang ipadala ngadto sa tibuok kalibutan. Kana nga gasa mao ang Iyang kaugalingong Anak, nga si Jesukristo, kinsa moanhi sa yuta aron mahimong atong Manluluwas. Mopakita si Jesus nato sa paagi sa pagpuyo aron kita makabalik ngadto sa Langitnong Amahan. Ang mga propeta nagpaabut uban ang tumang kalipay sa panahon nga si Jesus natawo.
Sa dihang ang mga anghel misulti sa mga magbalantay sa karnero duol sa Bethlehem nga ang espesyal nga bata kinsa mao ang Anak sa Dios natawo, mibati sila og tumang kalipay. Nagdali sila aron makita ug mosimba Kaniya.
Sa Amerika, ang mga Nephite nasayud nga Siya natawo sa dihang ang kalangitan nagpabilin nga mahayag sa tibuok gabii bisan og misalop na ang adlaw. Sila usab mibati og tumang kalipay ug nagpasalamat sa Langitnong Amahan alang sa gasa sa Iyang Anak.
Sa atong panahon atong hinumduman ug saulogon ang pagkahimugso ni Jesukristo panahon sa Pasko. Gipakita nato ang atong kalipay ug pasalamat alang sa gasa sa atong Manluluwas pinaagi sa pagsunod sa Iyang ehemplo sa paghatag og gugma ngadto sa uban sa daghang mga paagi kutob sa atong mahimo.
Wala: paghulagway pinaagi ni Paul Mann