Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit sa family home evening. Ang mosunod mao ang duha ka mga ideya.

“Unsay Bation nga Mahimong Bag-o nga mga Kinabig?” pahina 50: Ikonsiderar sa paghisgut uban sa inyong pamilya kabahin sa mga istorya sa pagkakabig nga gipakigbahin sa mga miyembro niining artikulo. Mahimo usab nga inyong basahon ang lista sa 10 ka mga hagit nga giatubang niadtong mga kinabig (anaa sa artikulo). Isip pamilya, ilha ang bag-ong mga miyembro sa inyong ward o branch o mga miyembro nga nagsugod nga maaktibo og balik sa Simbahan. Dayon magtinabangay sa pagmugna og plano nga higalaon kadtong mga miyembro ug mosuporta kanila samtang sila nangita og kalig-on nga maka-adjust sa sosyal ug kultural nga paagi ug molambo sa espirituhanong paagi.

“Atong Hinumduman ug Simbahon ang Atong Manluluwas, si Jesukristo” pahina 68, ug “Ang Unang Pasko,” pahina 74: Isaulog ang pagkatawo sa Manluluwas pinaagi sa pagpili sa usa sa daghang ideya sa kalihokan nga may tema sa Pasko niini nga isyu. Sama pananglit, mahimo ninyong guntingon ang mga kahon sa pahina 69 ug mohukom isip pamilya kon unsaon ninyo pagpakita ang inyong gugma para sa Manluluwas atol sa panahon sa Pasko ug sa tibuok tuig. Mahimo usab ninyong ikonsiderar ang paggamit sa script sa pahina 74 isip giya aron sa pagtabang sa inyong pamilya sa pagdrama-drama sa eksena sa pagkatawo ni Jesus. Kining duha ka kalihokan makatabang sa inyong mga anak nga makakat-on unsaon sa pag-focus ngadto sa Manluluwas panahon sa Pasko.

Sa Inyong Pinulongan

Ang Liahona ug ubang mga materyal sa Simbahan anaa sa daghang mga pinulongan sa languages.lds.org.