O Le LDS.org Ua Sili Atu ona Faigofie le Faaaogaina

O le a maua e leLDS.org se faatulagaga fou o le lisi autu ma faatautaiga faigofie ia Me lenei, o faaleleiga faifaipea sili ona fou ia a le Ekalesia ina ia faia ai lona uepisaite aloaia ia sili ona patino ma sili ona faigofie i le faaaogaina.

Na tuufaatasia e tagata atiae ma tagata mamanu ni manatu faaalia a tagata faaaoga o le tele o tausaga faatasi ma ni sailiiliga faaopoopo e fatu ai se lisi autu sili ona manino ma malamalama. Ua faaalia mai i faataitaiga ua sili atu ona faigofie le sailia o anotusi ma punaoa i le faatautaiga fou.

Ua saunia foi se maimoaga faavitio o le LDS.org, ina ia fesoasoani e faamasani tagata i le faalapotopotoga fou.