O Le Tusi a Mamona i Gagana e 110

I le lomiga talu ai nei i le gagana Kosaraea, ua faaliliuina nei le Tusi a Mamona i gagana e 110. O Kosarae o se motu i le Setete Tuufaatasi o Maikolenisia.

O le a maua kopi na lolomiina o le Tusi a Mamona i le faa-Kosaraea ia Iulai 2015. Na maua lomiga faaeletonika i le LDS.org, faapea foi i le Potutusi o le Talalelei ma lomiga o le Tusi a Mamona i masini omiomi feaveai, ia Mati. Ua faalauiloa mai foi i le taimi nei e le Ekalesia ni lomiga faaeletonika o tusitusiga paia i le taimi lava e tasi lea ua auina atu ai anotusi mo tusi mo le lolomiina. O lenei faiga o le a vave ona maua ai e tagata o le ekalesia ia tusitusiga paia faatoa uma ona faaliliuina.

O le tele o faaliliuga fou o tusitusiga paia o le a fofogaina atu i le aluga o le isi lua tausaga. O faaliliuga fou e tolu o le Tusi a Mamona ma faaliliuga faaopoopo e lima o le fusi tolu (o le Tusi a Mamona, Mataupu Faavae ma Feagaiga, ma le Penina Tau Tele na lomia i le lomiga e tasi) e na o le 2015 o le a lolomiina ai. O le a logoina atu tagata o tautatala i na gagana pe a lomia ia lomiga faaeletonika.