Faamalosia le Faatuatua i Vitio o le Tusi Paia

E mafai ona e fesoasoani e faamalosia le faatuatua ia Iesu Keriso i lenei tausaga—lo outou lava [faatuatua] faapea ma isi—e ala i le maimoaina ma le faasoaina atu O Vitio o le Tusi Paia o le Soifuaga o Iesu Keriso i BibleVideos.org ma luga o polokalama Vitio o le Tusi Paia.

O nei punaoa atiae-faatuatua o loo ofoina atu e aunoa ma se totogi i isi ekalesia i se taumafaiga e faasoa atu le savali a le Faaola i se tulaga lautele e mafai ai i le lalolagi atoa, ina ia fesoasoani i tagata maimoa ia lagonaina Lona alofa ma uunaia i latou ia mananao ia faapei o Ia.

Mai vitio e 92 o le Tusi Paia ua gaosia e le Ekalesia i le faagasologa o le tolu tausaga ua mavae, ua silia nei ma le afa ua uma ona faaliliuina mai le gagana Peretania i le gagana Sipaniolo, Potukale, Italia, Farani, Rusia, Siamani, Korea, Iapani, ma Saina.