Douglas D. Holmes

Fesoasoani Muamua i le Au Peresitene Aoao o Alii Talavou

“O lenei tupulaga o le autalavou, ua i ai se gafatia sili atu mo le usiusitai nai lo soo se tupulaga na muamua atu. Ou te manatu o se vaega lena o le faatulagaga o taimi a le Alii ma sauniuniga mo aso ua tatou ola ai,“o le tala lea a Uso Douglas D. Holmes, o le na lagolagoina i le aso 4 Aperila, 2015, e avea ma fesoasoani muamua i le au peresitene aoao o Alii Talavou.

Na soifua mai Uso Holmes i le aso 27 Fepuari, 1961, i le Aai o Sate Leki, Iuta, ia Dee W. ma Melba Howell Holmes ma ola ae i Cottonwood Heights, Iuta.

Ina ua uma ona auauna atu i le Misiona a Sikotilani Glasgow mai le 1980 i le 1982, na maua e Uso Holmes se faailoga o le tagata malaga i mataupu faasaienisi faaleaiga mai le Iunivesite o Polika Iaga i le 1986 ma faaauau atu ai i le mauaina o se faailoga o le matuaofaiva o pulega faapisinisi mai le iunivesite a Marriott Aoga o le Pulega.

Ina ua maea le faauuga, sa avea o ia ma se faufautua o le pulega mo le tolu tausaga ona amataina lea o se galuega faamanuiaina i mea tau fesootaiga, na avea ai ma sui peresitene o fuafuaga ma atinaega mo le vaega o le Media One. Mai le 2000 seia oo i lona valaauga o se peresitene o le misiona i le 2010 ma faapea foi i le 2013, sa ia faigaluega mo ia lava i atinaega o mea tau tupe ma fanua.

Na ia tuuto atu le tele o lona taimi ma taleni i faalapotopotoga e le sue tupe, auauna atu i au fono a le United Way i le Itumalo o Davis, Iuta; Parents for Choice in Education; o le Saunia o Nofoaga Saogalemu mo Tamaitai i le Itumalo o Davis; ma le Aoga mo le Fatuina o Pisinisi.

Sa ia auauna atu o se taitai misiona a le uarota, peresitene o Alii Talavou a le uarota, epikopo, ma talu ai nei lava o se fesoasoani i le au peresitene o le siteki. Sa ia pulefaamalumalu i le Misiona a Michigan Detroit mai le 2010 i le 2013.

Na ia faaipoipo atu ia Erin Sue Toone i le aso 22 Iuni, 1985, i le Malumalu o Sate Leki. O i laua o ni matua o se fanau e toaono.

“Ua tatou vaai i le mana o le upu i o tatou olaga, pe o upu a perofeta po o upu o tusitusiga paia po o musumusuga a le Agaga Paia,” o le tala lea a Uso Holmes.