Elder Allen D. Haynie

Korama Muamua a Fitugafulu

Na lagolagoina Elder Allen Decker Haynie o se tasi o le Korama Muamua a Fitugafulu i le aso 4 Aperila, 2015.

Na soifua mai Elder Haynie i le aso 29 Aokuso, 1958, ia Van Lloyd ma Sara Lulu Lewis Haynie.

Na soifua mai o ia i Logan, Iuta, ae sa faaaluina le tele o lona talavou i isi aai i Iuta i matu, ma i le Vanu o Silicon o Kalefonia. Sa ia auai i ni aoga tulagalua eseese se lima, lua aoga faaogatotonu, ma mulimuli ai auai i se aoga maualuga i Bountiful, Iuta.

O lenei eseesega i aafiaga na “aoao mai ia te au se lesona maoae e uiga i le aoao e talisapaia tagata uma,” na ia fai mai ai, “aua sa foliga mai o tausaga uma lava sa suia ai ou nofoaga ma toe faia foi nisi uo. O se tasi o mea ou te fiafia ai e uiga i le Ekalesia ona e aumaia ia i tatou se avanoa e mafuta ai ma tagata ma maua ai le taua i o latou tulaga eseese, aafiaga, ma taleni ma tomai.”

Sa ia auauna atu i le Misiona a Atenitina Cordoba mai le 1977 i le 1979.

Faatasi ai ma se faailoga o le tagata malaga faasaienisi mai le Iunivesite o Poliga Iaga, sa faaauau pea Elder Haynie ma mauaina se faailoga maualuga o le avea ma faamasino mai le Aoga Faaloia a le iunivesite o J. Reuben Clark i le 1985.

Na ia faataunuuina se tausaga atoa e avea ai ma se fesoasoani i le faamasino o le U.S. Ninth Circuit Court of Appeals i San Diego, Kalefonia, ao lei auai i le kamupani loia a Latham ma Watkins, o loo galulue mai le ofisa i San Diego. Pe tusa ma le lima tausaga talu ai na la faatuina ai ma lona uso sa la’ua lava kamupani loia.

Na galue foi Elder Haynie o se peresitene o le korama a toeaina, peresitene o Alii Talavou a le uarota, faiaoga seminare, fautua maualuga, epikopo, peresitene o le siteki, ma Fitugafulu Eria.

Sa ia feiloai ia Deborah Ruth Hall a o auai i le BYU, ma sa faaipoipo le toalua i le aso 19 Tesema, 1983, i le Malumalu o Sate Leki. O i laua o ni matua o se fanau e toaono.

I le ootia ai ao talanoa e uiga i lana molimau, na fai mai Elder Haynie na ia muai faitauina ma makaina le Tusi a Mamona ina ua 12 ona tausaga. “E leai sou manatua o le le talitonu; e leai sou manatua o le le tatalo.”