Pukōt Jipan̄
Rijeje eo ej jokwe ilo Utah, USA.
Ekar m̧ootļo̧k jān lukwōn bon̄, ak Tate ekar jeļā ke ekar iien kōnono.
“Jemedwōj Ilan̄, kiō ij jar, tōl im kōjparok eō aolep raan” (Children’s Songbook, 19).
Tate ekar ruj wōt ibulōn marok, eromrom kōn dān in kōm̧jalal. Ekar jar kōn jipan̄, ak ekar āinwōt n̄e juon kedo̧ kilmej kileplep ej ettoto ioon, kadiwōjļo̧k Jetōb eo.
“Ak n̄e iaar jab meļo̧kļo̧k pija eo eļap an nana?” ekar inepata.
Jet raan rem̧ootļo̧k, ekar m̧ōkaj an kam̧ōj katak eo an jān jikuuļ im̧weo im kejo̧ TV eo. Ak ekar jab kōtmane n̄an lo juon men āinwōt eo ilo TV eo. Tate ekar lukkuun ilbōk emeļo̧kļo̧k in kaiur in kune tv eo āinwōt ke eaikuj kar.
Ekar juon jiriļo̧k. Ekar jab bwe en itōn alooje juon jikin ilo pija eo āinwōt eo, ak kiiō epen an meļo̧kļo̧k e. Jet iien ej iien̄ak tok ilo kōļmenļo̧kjeņ eo an ilo lukuwaļpen jikuuļ, ilo tebōl in kōjota—bar ilo m̧ōn jar. Ilo iien rōt in, ekar m̧ōņōņō bwe jinen im jemān rekar jab maron̄ jeļā ta ej ļōm̧nake. Jinen im jemān Tate rekar katakini bwe en jab lale pijan armej ro ejjeļo̧k ballier. Ejeļā bwe rej barāinwōt kōtmāne bwe en jab alooj pija ko ilo TV rōkamijak, pija ko im ikkure ko ilo TV.
“Kiō ijeļā ebajet, Tate ekar bwilōn̄ ippān make.
Tate ekar jerkak jān jikin babu eo an im bar bukweļōļō. Ta eo emaron̄ kōm̧m̧ane?
“Jemedwōj Ilan̄,” Tate ekar unoojdikdik. “Jouj im jipan̄ eō kabōjrak aō ļōmņake ta eo ikar loe.” Ekar iriļo̧k dān ko raar to̧o̧rļo̧k jān mejān im ron̄jake. Menono eo an ekar ium̧ļo̧k an bam̧. Ekar ļōm̧nak bwe Jetōb Kwojarjar ekar im̧we, ak ekar jab uwaak eo ekōņaan eo.
Ekar aikuj ba n̄an jinen im jemān.
Etke Tate ekar bwilōn̄. Enaaj kar en̄jake āinwōt juon ajri jidikdik ej etal n̄an ruum̧ eo an jinen im jemān in lukwōn bon̄. Im ej iten karon̄ er? Ekar en̄jake jook im lukkuun bar nan̄inmej.
Innām juon ļōmņak ekar itok n̄an kōļmenļo̧kjeņ eo an: Jemedwōj Ilan̄ ekōņaan bwe in m̧ōņōņō. Jemedwōj Ilan̄ ekōņaan bwe en bar en̄jake Jetōb, im ļōmņak kōn men ko rem̧m̧an, im bwe en m̧ool n̄an baam̧le eo an. Ekōņaan Eļaptata bwe Tate en erom juon rikabwijer Priesthood eo an Aron eo ewānōk eļan̄n̄e enaaj tōpar 12 ilo jejjo wōt allōn̄. Tate ekar kile bwe eļan̄n̄e enaaj kar dāpij wōt ta eo ekar loe im ņooje, enaaj kar pād wōt im jab m̧ōņōņō kake.
Tate ekar jeļā ke eaikuj jipan̄—im Jetōb Kwojarjar ekar kiiō jiron̄ e ia eo en pukōte ie.
Tate ekar lale awa eo an im̧aan beet eo nōm̧ba ko an rebbōļ. Ekar epaak an 1 awa jimarok. Ekar jutak im jibadōk ļo̧k kōtaan eo emarok lo̧k n̄an ruum̧ eo an jinen im jemān. Kōjekdo̧o̧n an mijak, ekar kōļļaļaļ ilo kōjem̧ eo.
“M̧am̧a? Baba?”
“Tate kwe ņe ke?” jinen ekar ba ilo ainikien mejki.
“Ewōr ke ta jorrāān?” Jemān ekar kajjitōk.
“Aaet,” Tate ekar ba. “Jemaron̄ ke kōnono? Im imaron̄ ke bōlen bōk juon kōjeraam̧m̧an?”
Jemān ekar kabōļ ļaam eo ijabōn tebōļ eo an im kūrtok Tate. Ejkab juon kattōn ilo raan ko, Tate ekar en̄jake mānen, kōjatdikdik, im meram.
Kōmeļeļe jān Mark Robison.