M̧ae Iien Jenaaj Bar Lo Doon

Iaļ eo n̄an Lo Aenōm̧m̧an

Jān Būreejtōn Henry B. Eyring

Rikakpilōklōk eo Kein Kajuon ilo Būreejtōnji eo Kein Kajuon

Jān “Finding Safety in Counsel,” Liahona, July 1997, 23–25.

Juon iaan wāween ko jej maron̄ jeļā bwe ej juon kakkōl jān Irooj ej kōn kien kam̧ool, rikam̧ool ro ewōr mālim, emōj kapene.

Āinwōt ejjeļo̧k jōmļo̧kin an Rilo̧mo̧o̧r eo kōņaan tōlļo̧k kōj n̄an aenōm̧m̧an. Im jokkin wōt juon wāween An kwaļo̧k tok iaļ in n̄an kōj. Ej kūr elōn̄ļo̧k jān juon allen bwe en maron̄ tōpar ro rej kōņaan bōke. Im aolep iien kein ekoba ennaan ko jān lon̄iin rikanaan ro An ijoko jabdwōt armej ro rej mour jim̧we bwe en maron̄ wōr rikanaan ilubwilijier. Rikarejar ro ewōr aer mālim rej bōk eddo n̄an kakkōl armej ro, kwaļo̧k n̄an er iaļ eo n̄an lo aenōm̧m̧an.

Ke ej ļapļo̧k aitwerōk ilo turear in Missouri, USA, ilo fall ilo 1838, Rikanaan Josep Smith eaar kūr bwe Armej ro Rekwojarjar ren kuktok ippān doon n̄an Far West bwe ren bōk kōjparok. Elōn̄ ro rekar pād ilo jikin kallip ko rōttoļo̧k ak amņak ilo jikin ko rejeplōklōk. E ekar lukkuun kapilōk Jacob Haun, eo ekar jino ejaake jikin kōppād eo etan Haun’s Mill. Juon rekoot in iien eo ej kobaik tok menin: “Būratōr Josep ekar jilikinļo̧k Haun n̄an bōkļo̧k ennan eo an, eo an jikin jerbal eo Haun’s Mill, bwe en kōjjeļļāiki em̧m̧aan ro rej jokwe ijo bwe ren em̧m̧akūt im itok n̄an Far West, ak Mr. Haun ekar jab bōkļo̧k ennaan eo” (Philo Dibbie, in “Early Scenes in Church History,” ilo Four Faith Promoting Classics [1968], 90). Tokālik, Rikanaan Josep ekar rekoot e ilo bwebwenato eo an: “Tok n̄an rainin Anij ekar letok n̄an iō māletlet n̄an lo̧mo̧o̧ren armej rein rekar ron̄jake naan in kapilōk ko. Ejjeļļo̧k en ekar mej iaan [ro raar pokake] naan in kapilōk ko aō” (History of the Church, 5:137). Innām Rikanaan eo ekar rekoot e m̧ool eo ekabūromōjmōj bwe elōn̄ ro ejjeļļo̧k ruweer renaaj kar lo̧mo̧o̧ren ilo jikin kōppād eo etan Haun’s Mill eļan̄n̄e ren kar ron̄jake naan in kapilōk eo an im ļoori.

Ilo tōre kein ad, emōj kakkōl kōj kōn naan in kapilōk ko kōn ia eo jenaaj lo aenōm̧m̧an ie jān jerawiwi im jān būromōj. Juon iaan kii ko n̄an kile kakkōl kein ej ilo an emakijkij aer waļo̧k. N̄an waanjon̄ak, elōn̄ļo̧k jān juon alen ilo kweiļo̧k ko reļļap, emōj ami ron̄jake an rikanaan eo ad ba bwe enaaj itok juon rikanaan innām enaaj juon rikam̧ool eo kein karuo im emaron̄ jet iien eo kein kajilu. … Rijilōk Paul ekar jeje bwe “kōn lo̧n̄iin ruo ak jilu ri kōnnaan renaaj kapen naan otemjej” (2 Korint 13:1). Juon iaan wāween ko jemaron̄ jeļā bwe ej juon kapilōk jān Irooj ej kōn kien kam̧ool, rikam̧ool ro ewōr mālim, emōj kapene. Eļan̄n̄e naan ko an rikanaan rej elij in men, rej aikuj dāil ia jej erreļo̧k ie ļo̧k im kobrak būruwōd kōn kam̧m̧olool bwe jej mour ilo juon tōre ejeraam̧m̧an. …

Jemedwōj Ilan̄ ej iakwe kōj. E ekar jilkintok Nejin Emake Wōt bwe en ad Rilo̧mo̧o̧r. E ekar jeļā bwe ilo mour in jenaaj kar pād ilo kauwōtata, men eo enana ļo̧k in jān kapo ko an rikōjdat eo. En̄in juon iaan un ko unin an kar Rilo̧m̧o̧o̧r letok kii ko an priesthood bwe ro ewōr lojilin̄ier ren ron̄jake im tōmak n̄an pokake bwe ren maron̄ etal n̄an jikin kone ko.