Iien Riit Jeje ko Rekwojarjar

Pita, Korniliōs, im Enjeļ eo

Jān Erin Sanderson

Rijeje eo ej jokwe ilo Utah, USA.

Ekkatak kōn Kalim̧m̧ur Ekāāl ippān doon ilo iiō in!

Im Jisōs ekar jerkakpeje im bar jepļaak n̄an lan̄, Pita im Rikaļoor ro jet rekar kwaļo̧k naan ilo elōn̄ jikin ko, ak n̄an Riju ro wōt.

Korniliōs ekar juon opiija in jarin tariņae eo an Rom. Eaar tōmak ilo Anij, ak eaar jab juon Riju. Juon enjeļ ekar waļo̧k n̄ane im ba n̄ane bwe en etal n̄an ippān Pita. Korniliōs eaar jilkinļo̧k em̧m̧an ro m̧ōttan bwe ren pukōt Pita, im Jetōb Kwojarjar eaar jiron̄ Pita bwe en ļo̧o̧r er.

Ilo m̧weo imōņ Korniliōs, Pita eaar katakin elōn̄ armej ro raar kuktok ippān doon. Eaar katakin er kōn gospel eo an Jisōs Kraist, im raar obrak kōn Jetōb Kwojarjar im raar jeļā bwe em̧ool. Ke ro m̧ōttan Pita raar jeļā ke eaar kwaļo̧k n̄an armej ro rejjab Riju, raar ikkūmļo̧k. Ak Pita eaar jiron̄ er bwe ejeļā bwe gospel eo an Jisōs Kraist ej n̄an aolep. (Lale Jerbal 10:1–48; 11:1–18.)

Kōnono an Baam̧le

Riit Matu 28:19–20. Kōnono kōn ewi wāween jemaron̄ kwaļo̧k gospel eo n̄an aolep armej. Ļōm̧nak kōn kajjitōk ko remaron̄ wōr ippān ro m̧ōttam ak ritūrūm kōn gospel in. Kwomaron̄ kammineneiki eok kajjitōk kajjitōk im uwaaki kajjitōk ko ilo am̧ kōm̧m̧ane waanjon̄ak in kamminene eo ippān baam̧le eo am̧.

Al: Kālet al eo kōn jerbal in mijinede, āinwōt “We’ll Bring the World His Truth” (Children’s Songbook, 172).

Eoon: Matu 28:19–20

Pija in alooj: Etal n̄an Biblevideos.org. im alooje “Revelesōn an Pita n̄an Bōkļo̧k Gospel eo n̄an Riaelōn̄ ko.”

Kōkkapilōklōk jān Jeje ko Rekwojarjar

Emaron̄ ļap ad meļeļe kōn jeje ko rekwojarjar n̄e jej kwaļo̧k kōn ta eo jaar ekkatak. Riiti jeje ko rekwojarjar ippān baam̧le eo am̧ im kōnono kōn meļeļein naan ko reppen, ta meļeļein jeje ko rekwojarjar n̄an kwe, im wāween mour kake.

Ekkatak Eļapļo̧k

M̧okta jān an Pita kar kūr āinwōt juon rikaļoor, eaar juon rien̄od eo kar etan Simon. Jisōs eaar leļo̧k n̄ane āt in Pita, eo meļeļein “dekā” ak “ejm̧aan” Ālkin an kar Jisōs etal jān laļ in, Pita eaar ritōl n̄an Rikaļoor ro im tōl Kabun̄ eo. Eaar kabwijer kii ko, ak mālim, eo an Priesthood.

Pojak in Kwaļo̧k!

Juon wāween eo n̄an erom juon mijinede eo em̧m̧an ej kajjieon̄ erom āinwōt Jisōs. Mwijiti ļo̧k bāāj eo im do̧o̧r juon m̧wil eo kokōņaan mour kake. Bōlen komaron̄ jerbal āinwōt “Elder Jouj” ak “Sister Kam̧m̧oolol.” Do̧o̧r bāāj eo am̧ ijo emaron̄ kakeememej eok kōn kōttōpar eo am̧.

Elder

Elder

Sister

Sister

tuanmiin̄: kōmeļeļe jān Craig Staple; tuanmo̧o̧ņ: meļeļe ko jān Pija in Kraist, jān Heinrich Hofmann, letok in C. Harrison Conroy Co.