Juon Iien Ko̧o̧ļ
Rijeje eo ej jokwe ilo Taichung, Taiwan.
Ke iaar rūttotak, iaar jab tōmak ke ewōr juon Anij. Mour eo aō eaar obrak kōn tarpok, im ilo raan ko aō eaar itok wōt bwe in kōņaan bōk mour eo aō. Eaar tōre eo ke mijinede ro rej kōllaļļal ilo kōjem eo aō. Gospel in eaar lukkuun ta eo iaar aikuji; eaar itok limoū kōn katak ko.
Apan̄ ko aō raar jab jem̧ļo̧kitier ālkin aō kobatok ilo Kabun̄ in, ak iaar pād ilo juon jikin eo em̧m̧an n̄an jum̧ae kapo ko. Ilo jinoin, iaar jeļā ta en̄jake eo an lem̧ōņōņō.
Ijoke, inepata eo eaar jab pidodo an jako. Ilo bar juon iien iaar kōņaan bar bōk mour eo aō. Ilo tōre eo Sisterr Ting, kōrā eo ippān bisop eo, eaar ko̧o̧ļ tok. Liin ekar jiron̄ eō ke eaar wōr an en̄jake n̄an ko̧o̧ļ e tok eō. Eaar kajjitōk ej et aō pād. Iaar kwaļo̧k aolep men otemjeļo̧k n̄an e. Ippa make, eaar juon enjeļ kar jilkintok jān Anij.
Wāween in eaar letok n̄an eō kajoor. Aō tōmak eaar kajoor ļo̧k. Iaar en̄jake bwe imaron̄ anjo̧ jān mej. Iaar en̄jake aō rōļo̧k āinwōt an ba ilo Alma 36:2–3:
“Raar pād ilo kōm̧akoko, im ejjeļo̧k juon eaar lo̧mo̧ren er ijjelo̧kin wōt eo eaar … Anij. …
“… Bwe jabdewōt eo enaaj likūt aer leke ilo Anij naaj rejtake er ilo mālijjon̄ ko aer, im inepata ko aer, im en̄taan ko aer, im naaj kōjerkak er ilo raan eo āliktata.”
Ej wōr wōt aō mālijjon̄ ko, ak eban pidodo aō bar iiooni. Anij eaar jipan̄ eō ilo aolepān apan̄ im inepata ko aō. Eaar lo̧mo̧o̧ren eō jān kōm̧akoko im kalbuuj ilo mour in jetōb, aaet barāinwōt mej. E ej aō Rilo̧mo̧o̧r.