Jenesis 1:26–27

Ta meļeļein kōm̧anm̧an ilo nememein wōt Anij?

26 Im Anij ear ba, Jen kōm̧anm̧an armej ilo nememeid im āinwōt Kōj, im ren irooj ioon ek in lo̧jet, im ioon bao in mejatoto, im ioon kidu kaņ, im ioon aolepān laļ, im ioon men in tōbalbal otemjej rej tōbalbal ioon laļ.

27 Im Anij ear kōm̧anm̧an armej ilo nememein wōt E, ilo wāween Anij ear kōm̧anm̧an e; m̧aan im kōrā Ear kōm̧anm̧an er.

Nememein wōt Anij

“Kile kōn juon kajoor eo eļap jen n̄e juon ejjab kile; ijello̧kin, ej nōbar. Eļan̄n̄e jenaaj kile bwe jaar kōm̧anm̧an ilo nememein wōt Anij, eban pen ad pukōt E. … Jeļāļo̧kjeņ in, ekibuuj tōmak, enaaj bōktok inem̧m̧an im aenōm̧m̧an.”

Būreejtōn Thomas S. Monson, “The Lighthouse of the Lord,” Ensign, Nov. 1990, 95–96.

Jen Kōm̧anm̧an

Ilo jekjek in Anij ej kōnono n̄an bar eo juon—kōnke E ej. Josep Smith eaar ba, “Ilo jinoin, doulul in Anij eo eaar kūr juon ko̧o̧ņjeļ an Anij ro; im raar kuk ippān doon n̄an kōm̧anm̧an [kōpooj] juon karōk n̄an kōm̧anm̧an laļ im armej” (History of the Church, 6:308). Ko̧o̧njeļ in ekoba Irooj Jisōs Kraist im ro jet (lale Moses 2:26–27; Ebream 4:26–27).

Wāweed im āinwōt kōj

“Anij Make eaar āinwōt kōj kiiō, im ej juon armej indeeo, im ej pād ijo ettoļo̧k! En̄in ej ittino̧ eo eļap. Eļan̄n̄e ron̄ōļ nuknuk eo en kar pād rainin, im … eļan̄n̄e kwon kar lo E rainin, kwon kar lo E āinwōt kōm̧anm̧an in armej—āinwōt make ilo likieo in armej, nememeir, im lukkuun kōm̧anm̧an in armej.”

Teachings of Presidents of the Church Josep Smith (2007), 40.

“Armej rej nejin Anij, kar kōm̧anm̧an ilo nememeir ekwojarjar im kar bōk m̧wil ko rekwojarjar, im aaet āinwōt nin̄nin̄ nejin jemed im jined ilo laļ in ilo tōre in ejejet n̄an erom armej, kōn menin kiplia eo an armej eaorōk, kōn idajon̄jon̄ ilo aolep tōre im iien, n̄an erom āinwōt Anij.

Būreejtōnji eo Kein Kajuon, “The Origin of Man,” Improvement Era, Nov. 1909, 81; Ensign, Feb. 2002, 30.

Irooj Ioon

“Laļ in im aolep men ko ie rej aikuj jerbal n̄an rie armej. Ijoke, aolep en bōk eddo—jab irooj ioon—laļ in im an aiboojoj im naaj bōk eddo im̧aan Anij kōn ta eo raar kōm̧m̧ane kōn kōm̧am̧an ko An.”

“Environmental Stewardship and Conservation,” mormonnewsroom.org; lale barāinwōt Katak im Bujen ko 104:13–15.

m̧aan im kōrā

“Aolep m̧aan im kōrā rej āinwōt Jemed im Jined ilo laļ in im rej lukkuun ļaddik im leddik ro nejin Anij.”

Būreejtōnji eo Kein Kajuon, “The Origin of Man,” Improvement Era, Nov. 1909, 78; Ensign, Feb. 2002, 29.

“Oktak in ānbwinnid jān doon ej juōn jōkjōk eo eaorōk n̄an kwaļo̧k kadkadin kajjojo ilo mour eo m̧okta im kadkadin kajjojo ilo mour in im kadkad eo ejjeļo̧k jemļo̧kin im unleplep in.”

“Baamle Eo Juon Naan in Kean̄ n̄an Laļ in,” Liaona, Nov. 2010,129.