Na te mau tamarii apî
Te mau mautini a Paul
Te ora nei te taata papaʻi i Utaha, i Marite.
Ua tauturu na o Paul ia papa i te tanuraa i te hoê faaapu. Ua hinaaro oia i to’na taea‘e ia Eric ia haere mai e tauturu. Tera ra mea atea roa o Eric no te misioni.
« Aita roa vau e hinaaro ia paari mai ia Eric », te parau ïa a Paul. « Nahea ia vau ia haere i te misioni mai ia’na ? »
« Eiaha e pe‘ape‘a », te parau ïa a papa. « E paari mai oe ».
Ua horo‘a papa i te tahi huero mautini ia Paul. Ua tauturu oia ia Paul ia tanu i te reira.
« E riro mai teie mau huero na‘ina‘i ei mau mautini rarahi ? » ua ui o Paul.
« Mai te peu e atuatu maitai oe i te reira », ua parau o papa.
I te mau mahana atoa e haere o Paul e hi‘o i te faaapu. E pipi haere oia i te pape, e aita i maoro roa ua haamata i te oteo mai. Ua rarahi mai te mau rauere. Ua hutihuti maite maitai o Paul i te mau aihere.
I te tau toparaa rauere, ua rarahi roa te mau tumu mautini. E te vai ra te mau mautini rarahi pua tou !
Ua afa‘i roa o Paul ia papa no te faa‘ite. « Ua atuatu maitai oe i ta oe mau tumu mautini ! » ua parau o papa.
« Auê ia e ! E atuatu maitai au ia’u, ia ti‘a ia’u ia rarahi maitai mai teie ». Ua ata o Paul. « E ia paari mai au, e nehenehe au e haere i te misioni mai ia Eric ! »
Faahoho‘araa na Amy Wummer