E aha ta outou e mea au roa a’e no ni’a i te riroraa ei melo no te Ekalesia ?

Ta’u e au nei, oia ho’i ïa, e rave tatou i te faraoa e te pape i roto i te pureraa oro’a no te haamana’o ia Iesu Mesia. Te faahaamana’o mai nei te faraoa ia tatou i To’na tino, e te faahaamana’o mai nei te pape ia tatou i To’na toto. Ia rave ana’e tatou i te oro’a mo’a, e nehenehe tatou e tapiri i to tatou mata no te feruri i te mau mea atoa ta Iesu i rave no tatou.

Ava J., 9 matahiti, North Carolina, Marite

E mea au roa na’u ia haapii e, e nehenehe te mau utuafare e amuihia e a muri noa’tu. (Renee)

E nehenehe e roaa to’u mau hoa, e nehenehe au e tai’o i te mau papa’iraa mo’a i te mau mahana atoa, e, e nehenehe ta’u e haapii mai i te evanelia. (Ralph)

Renee e Ralph E., 9 e 10 matahiti, Metro Manila, Fenua Philipino

E mea au roa na’u ia putapû i te Varua Maitai. E nehenehe ta’u e putapû rahi i te Varua Maitai a faaroo ai au i te mau a’oraa e te mau haapiiraa. E putapû atoa vau i te reira ia tauturu ana’e au ia vetahi ê.

Kaylee C., 7 matahiti, Virginia, Marite

Ta’u ohipa au roa a’e maori râ, e nehenehe ta tatou e haapii mai e e ha’uti atoa i te hoê â taime, e e nehenehe ta tatou e haapii hau atu no ni’a ia Iesu Mesia. E mea au roa na’u ia haapii mai no ni’a Ia’na no te mea, o Oia to’u Faaora. (Liz)

E mea au roa na’u ia haapii mai no ni’a ia Iesu, e ua ite au e, ua here Iesu ia tatou. (Lalo)

Liz e o Lalo S., 8 e 6 matahiti, California, Marite

E mea au na’u ia haere i te Paraimere e ia himene i te mau himene.

Hayden H., 5 matahiti, Utah, Marite

E mea au roa na’u ia haapii mai no ni’a ia Iesu Mesia, e e mea au na’u ia haere i te Paraimere e ia faahoa ia vetahi ê.

Catherine W., 7 matahiti, North Carolina, Marite

E mea au roa na’u i te mea e, no te mea e roaa e rave rahi mau hoa apî, e e nehenehe ta’u e haapii i to’u mau hoa e ere i te melo no ni’a i te evanelia. E roaa ia’u ia faaroo i te amuiraa rahi e ia faaroo i te peropheta e te mau aposetolo ia paraparau mai. E mea arearea roa atoa te pureraa pô utuafare, no te mea, i te tahi mau taime, e haere matou e orihaere no te amu i te pape to’eto’e (ice cream). Um !

Savannah H., 12 matahiti, Washington, Marite