Ankane Til Eo Ippām̧: 30 Raan in Kajjieon̄

N̄an jodikdik ro ilo Kabun̄ in ro eboub mour ko aer, emaron̄ in pidodo kōm̧m̧ani ejja men ko wōt kōn imminene ko, eļaptata ilo men ko an jetōb. Jej riiti jeje ko ad rekwojarjar, jar, im kabun̄jar ejja wāween eo enan̄in aolep raan im innām jejjab loe ad eddōkļo̧k ilo jetōb.

Juon iaan wāween ko rem̧m̧antata n̄an dāpij wōt an urur wōt til eo am̧ ilo jetōb ej ilo am̧ kōm̧m̧ani en̄jake ko eļap tokjāer ilo jetōb. Ak epidodoļo̧k ba jān kōm̧m̧ane, kōn menin ijin ej juon elmakot n̄an jipan̄ eok wōnm̧aanļo̧k n̄an eddōkļo̧k eo ilo jetōb: Ļōmņak kōn m̧akūtkūt ko rejelet gospel ko kwoj jan̄in kar kōm̧m̧ani m̧oktaļo̧k (ak epen am̧ kar kōm̧m̧ani) im kallim̧uri eok make n̄an kōm̧m̧ani aolep raan ium̧win juon allōn̄. Komaron̄ jino kōn eo edik kōnke kwonaaj loe bwe epidodoļo̧k n̄an ukōte men ko reddik n̄an men ko reļļap. Kōm̧m̧ani men kein ko jejjab imminene in kōm̧m̧ani remaron̄ aikuj eļapļo̧k tōmak im kijejeto ko ad, ak n̄e jej kōm̧m̧ani, jej karuwaineneiktok Jetōb Kwojarjar eo n̄an kōj jej loe ļapļo̧k in tōmak eo ilo Jemedwōj Ilan̄ im loe juon ikdeleel n̄an kepaakeļo̧k E. Erkein rej jet ļōmņak ko komaron̄ jino kaki: