Faaî i ta outou rama : Te 30 mahana tamataraa

No te feia apî i roto i te Ekalesia e oraraa aita e taimehia, e mea ohie ia mau i roto i te hoê ohipa tamau noa, no te mau mea pae varua ihoa râ. Te tai’o nei tatou i ta tatou mau papa’iraa mo’a, te pure nei, e te haamori nei ma te taui ore i te raveraa i te mau mahana atoa, e i muri iho, e maere tatou e, no te aha ra, mai te huru ra e, tei roto tatou i te topatoparaa pae varua.

Hoê o te mau rave’a maitai roa a’e no te tape’a ama noa i ta tatou rama ma te anaana, o te haapapûraa ïa e, te farii nei outou i te mau iteraa pae varua faahiahia. Tera râ, e mea ohie a’e ia parau i te rave, no reira, teie te tahi mana’o no te tauturu ia outou ia tamau noa i te haere i mua i te pae varua : a feruri i te hoê ohipa no ni’a i te evanelia aita â outou i rave a’enei (e aore râ, fatata aita i ravehia nei) e a fafau ia rave i te reira pauroa te mahana no te roaraa hoê ava’e. E nehenehe outou e haamata na ni’a i te mau mea na’ina’i no te mea, e ite outou e, e mea ohie a’e ia faariro i te mau tauiraa na’ina’i ei mau tauiraa vai maoro. Ia rave ana’e tatou i te mau mea e haamatara ia tatou mai to tatou vairaa hau noa i te pae varua, e titauhia paha te faaroo e te tautooraa hau atu, tera râ, a rave ai tatou i te reira, te ani ra ïa tatou i te Varua Maitai ia parahi mai i piha’i ia tatou, e te faaite ra ïa tatou i te faaroo rahi a’e i te Metua i te ao ra na reira atoa te hoê hinaaro ia haafatata atu â Ia’na. Teie te tahi mau mana’o no te haamata :