Unsaon Pagtukod ang Panaghiusa

Ni President Henry B. Eyring

Unang Magtatambag sa Unang Kapangulohan

Gikan sa usa ka pakigpulong sa Oktubre 2008 nga kinatibuk-ang komperensya.

Nagkalain-laing kahimtang ang atong pagpamuyo. Nanag-abut kita gikan sa kada nasud ug sa daghang kaliwatan sa gingharian sa Dios.

Atong nasayran gikan sa kasinatian nga ang hingpit nga kalipay moabut kon kita mapanalanginan uban sa panaghiusa. Ang Langitnong Amahan dili mohatag niini ngari kanato isip mga indibidwal. Ang hingpit nga kalipay nga gusto kaayo Niyang ihatag kanato isip indibidwal dili ang pag-inusara. Kinahanglan ato kining tinguhaon ug mokwalipay alang niini kuyog sa uban. Dili ikatingala nga ang Dios miawhag kanato sa pagpundok aron Siya makapanalangin kanato. Gusto Niya nga mapundok kita nga pamilya. Mi-establisar Siya og mga klase, mga ward, ug mga branch ug misugo kanato sa pagpundok kanunay. Sa mga panagpundok, diin ang Dios midesinyo alang kanato, anaa ang atong talagsaon nga oportunidad. Makaampo kita ug makabuhat alang sa panaghiusa nga makahatag kanato og kalipay ug pilo-piloon ang atong gahum sa pagserbisyo.

Agi og dugang sa mga ordinansa, dunay mga baruganan nga atong gisunod isip katawhan diin naggiya paingon sa mas dakong panaghiusa.

1. Pagpadayag. Ang pagpadayag mao lang ang bugtong paagi nga kita masayud kon unsaon aron kita magkadungan sa pagsunod sa kabubut-on sa Ginoo. Nagkinahanglan kini og kahayag gikan sa kahitas-an. Ang Espiritu Santo mopamatuod sa atong mga kasingkasing, ug sa mga kasingkasing niadtong nagpundok libut kanato, unsay Iyang gustong ipabuhat kanato. Ug kini pinaagi sa pagsunod sa Iyang mga sugo nga kita adunay atong mga kasingkasing nabugkos isip usa ka tawo.

2. Pagmapainubsanon. Ang garbo usa ka dakong kaaway sa panaghiusa. Inyong nakita ug nabati ang mangil-ad nga mga epekto niini. Nalipay ako nakakita og nagkadaghan nga batid nga mga tigpasiugda sa kalinaw kinsa makapakalma sa uban nga anaa sa sitwasyon sa panagbingkil sa dili pa mahitabo ang kadaut. Tingali kamo mao kana nga tigpasiugda sa kalinaw, maanaa man kamo diha sa panagsumpaki o tig-obserbar. Usa ka paagi nga akong nakita nga kini mahimo mao ang pagpangita diha sa bisan unsa nga butang diin kita magkauyon.

3. Pagsulti og maayo sa usag-usa. Hunahunaa ang katapusang higayon nga gipangutana ka mahitungod sa binuhatan sa laing tawo sa ilang pagserbisyo sa inyong pamilya o sa Simbahan. Ako makasaad kaninyo sa pagbati sa kalinaw ug hingpit nga kalipay kon kamo manggihatagong modayeg sa uban diha sa Kahayag ni Kristo.

Uban sa panaghiusa nga akong nakita nga naglambo, ang Ginoo makahimo sa pagpahigayon unsay hunahuna sa kalibutan nga milagroso. Ang mga Santos makahimo sa pagtuman sa bisan unsa nga katuyoan sa Ginoo kon hingpit nga magkahiusa.