Ko e Kau Moʻungaʻi Tangata ʻi he Tohi ʻa Molomoná

Naʻe Fakatomala ʻa ʻAlamā

Naʻe hoko ʻa ʻAlamā ko ha taulaʻeiki ʻa e Tuʻi angakovi ko Noá. Naʻá ne fanongo ki he akoʻi ʻe he palōfita ko ʻApinetaí fekauʻaki mo e ngaahi fekaú. Naʻe ʻiloʻi ʻe ʻAlamā naʻe fie maʻu ke liliu ʻene moʻuí pea muimui ki he ʻOtuá kae ʻikai toe fai ʻa e ngaahi meʻa ʻoku koví. Naʻá ne hiki ʻa e meʻa naʻe akoʻi ʻe ʻApinetaí. Naʻe kamata ke ne akoʻi ʻa e ongoongoleleí ki ha niʻihi kehe. Naʻe ʻi ai hano fāmili kimui ange ai pea fakahingoa e taha hono ngaahi fohá ko ʻAlamā.

Naʻá ku hoko ko e leʻokolo mo vaʻinga mālie ʻaupito. Peá u manatuʻi hake ne fie maʻu ke u fakatomala ʻi heʻeku lea ʻaki ha meʻa naʻe taʻetaau ʻaneafi. Naʻe fie maʻu ke u fai ia, ka naʻá ku lolotonga vaʻinga. Peá u toe manatuʻi ha meʻa. Te ke lava ʻo lotu ʻi ha feituʻu pē te ke fie maʻu ai. Ne u ongoʻi lelei ʻi heʻeku fakatomalá, ʻi he hili ʻeku lotú.

Pita G., taʻu 8, ʻIutā, USA

Te u Lava ʻo Fakatomala!

• Ako Maʻuloto ʻa e Mōsaia 18:9.□

• Hiki pe tā fakatātaaʻi ha meʻa naʻe lea ʻaki ʻe he palōfitá ʻi he konifelenisi lahí.□

• Fili ha founga ʻe taha te ke lava ai ʻo liliu ke lelei ange. Feinga ke fai ia ʻi he māhina ní.□

• ʻOku ou fakatukupaaʻi au ke …

ʻAlamā

Kosi, pelu, mo tauhi ʻa e kaati tukupā ko ʻení!