Nganong ang Dios mihatag man nato og romantiko nga mga pagbati nga sayo kaayo itandi sa panahon sa kinabuhi nga ang kaminyoon angay na?

Ang pagkaibog sa tinuod, dili dautan ug sa katapusan nagsilbi sa balaan nga katuyoan sa kaminyoon. Apan nganong kita aduna niini nga mga pagbati sa daghan kaayong mga katuigan sa dili pa kita makabuhat niini sa saktong paagi?

Nan, kini nga kinabuhi usa ka pagsulay sa pagkamasulundon, ug ang balaod sa kaputli mao ang usa sa labing importante nga mga balaod nga sundon. Ang pagsulay magkagrabe inig ka hingkod, kon ang mga hormone (ug gitugutan sa kultura) mosulti nato, “Buhata, buhata, buhata,” apan ang Kahayag ni Kristo ug ang Espiritu Santo (ingon man usab ang mga kasulatan, mga propeta, mga ginikanan, ug mga lider) mosulti nato, “Hulat, hulat, hulat.” Kon maminaw ta sa ulahi nga mensahe, atong gipakita ang atong katakus ug nagpakita sa atong kahingkod ug moral nga disiplina, nga mao “ang kanunay nga pagbansay sa kabubut-on sa pagpili sa husto tungod kay kini husto, bisan kon kini lisud” (D. Todd Christofferson, “Moral Discipline,” Liahona, Nov. 2009, 105).

Uban sa daghan kaayong mga pagsulay sa kinabuhi, kini nagtugot nato nga pagmatuod sa atong mga kaugalingon nga takus sa mas dako nga mga panalangin nga moabut—lakip sa temple sealing alang karon ug sa tanang kahangturan.