Fānau ʻoku Nau Tuʻu ʻAliʻaliaki
Ko ha Talanoa kau kia Sitili
Mālō e lelei, ngaahi kaungāmeʻá!
Ko hoku hingoá ko Sitili. Naʻá ku nofo ʻi Tekimanisitani. Ko ha fonua ia ʻi ʻĒsia Lotoloto. ʻOku ou saiʻia ke laukonga, tā fakatātā, mo tuitui. ʻOku ou saiʻia he sio fetuʻu mo ʻeku tangataʻeikí. Ko au pē mo hoku fāmilí ne mau kau ki he Siasí ʻi he fonuá kotoa!
Ko hono Lotua ʻo Misí
ʻI ha ʻaho ʻe taha hili ha fuʻu afā lahi, naʻe pulia e kiʻi pusi ko Misi ʻa hoku kaungāmeʻá. Ne mau fakasio takai, ka ne ʻikai pē ke mau ʻilo ia. Naʻá ku talaange te mau lava ʻo lotu. Naʻe ʻikai ʻiloʻi ʻe hoku ngaahi kaungāmeʻá pe ʻoku fakahoko fēfē ia, ko ia naʻá ku fakahoko ange kiate kinautolu. Ne mau tūʻulutui fakataha hifo pea ne mau takitaha fakahoko pē ʻene lotu. Pea mau tuʻu hake leva pea kamata ke toe fakasio holó. Ne lele mai ha kiʻi taʻahine kiate kimautolu ʻo ne talamai kuó ne ʻilo ʻa Misi! Naʻá ku fiefia ʻi heʻeku vahevahe ha konga ʻo e ongoongoleleí mo hoku kaungāmeʻá.
Feakoʻaki mo e Niʻihi Kehé
Ne u ako fakataha mo Selaia ʻi he akó mo ha fānau mei he ngaahi fonua kehekehe. Ne mau saiʻia ke feakoʻaki mo fiefia fakataha.
Ngāue fakameaʻa mo e feohi fiefiá
Naʻá ku fakaafeʻi mo Selaia homa kaungāmeʻá ke mau vaʻinga. Naʻa mau tā valivali, ngāue fakameaʻa, mo kai tunu. Naʻa mau fai ha kiʻi talanoa fakatātā ʻi he taimi Kilisimasí mo homau kaungāmeʻa he kaungāʻapí.
Ko hono fai ʻo e Lotú ʻi ʻApí
Koeʻuhí ko kimautolu pē naʻe kau ki he Siasí, naʻa mau lotu pē ʻi homau ʻapí. Naʻa mau fakahoko ha houalotu sākalamēniti, taimi hiva, feʻinasiʻakí, mo e ngaahi lēsoni Palaimeli. Naʻá ku tā ʻa e pianó he taimi hivá.