Ko ʻEtau Pēsí

ʻOku Tau Saiʻia he Sio ki he Temipalé

Lolotonga ʻeku tā fakatātā ʻení, naʻá ku fakakaukau kapau te u muimui ki he ngaahi fekaú, te u lava ʻo hū ki he temipalé ʻi ha ʻaho, ʻo hangē pē ko ʻeku ongomātuʻá, pea silaʻi mo maʻu haku fāmili taʻengata. ʻOku ou ʻofa ʻi hoku fāmilí mo e Tamai Hēvaní.

Manolita G., taʻu 8 (ʻi he taimi naʻe tā fakatātā aí), Sīmalatenikō, Kuatemala

Naʻe fakafiefia ʻaupito ke u ʻalu mo hoku fāmilí ki he temipalé. Ko ha fononga lōloa mei homau koló ki he temipalé—meimei houa ʻe 14. Naʻá mau nofo ʻi ha uike ʻe taha ʻo ofi ki he temipalé. ʻOku ou vēkeveke ke hokosia hoku taʻu 12 ke u fakahoko e papitaisó maʻa ʻeku ngaahi kuí. Ko e taha ʻo ʻeku ngaahi hiva manakó ʻa e “Fie Siofia e Temipalé.” ʻOku ou fie mali ʻi he temipalé pea maʻu ha fāmili taʻengata. ʻOku ou ʻiloʻi ko e temipalé ko e fale ia ʻo e ʻEikí.

Sūlia Q., taʻu 11 (ʻi he taimi naʻe faitaaʻi aí), Koiasi, Palāsila

ʻOku ou saiʻia mo hoku kiʻi tehiná ke ʻalu ki he temipale ʻi Melita, ʻIukatani, Mekisikoú, ʻi he taimi kotoa pē ʻoku vahe mai ai ki homau uōtí ke mau ʻalu. ʻOku mau fakamoleki ha ngaahi taimi ʻi he ngoué, pea mau vaʻinga mo e fānau kehe ʻoku haʻu ki he temipalé. ʻOku ou teuteu atu ke u hū ki he temipalé ha ʻaho.

Māʻata S., taʻu 6 (ʻi he taimi ʻo e tā fakatātaá), ʻIukatani, Mekisikou

Fai ʻe ʻĒleni E., taʻu 10 (ʻi he taimi ʻo e tā fakatātaá), Sani Salavatoa, ʻEli Salavatoa