Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.
“Pagpangandam og usa ka Dapit alang sa Ginoo,” pahina 10: si Bishop Caussé nagpahinumdom kanato sa atong responsibilidad sa pagpangandam alang sa pag-anhi sa Manluluwas. Usa ka paagi nga makaandam og dapit alang sa Ginoo mao ang pagtabang sa mga tawo kinsa nanginahanglan og panimalay. Ikonsiderar ang pagboluntaryo sa homeless shelter, pagpundok og mga kagamitan alang sa mga namakwit, maglikom og kwarta aron iamut ngadto sa humanitarian fund sa Simbahan, o moapil sa mga kalihokan sa pagserbisyo sa inyong kumunidad. Mahimo usab kamong makighisgut og mga paagi nga kamo makaserbisyo og dugay sa mga tawo nga namakwit, sama sa pagpakighigala.
“Unsaon nako nga mobati og kasuod ngadto sa Manluluwas?” pahina 70: si Jesukristo mao gayud ang rason alang sa panahon, apan tingali mahimo ninyong ikonsiderar nga mahimo kamong maghinumdom sa mga ehemplo sa Manluluwas sa tibuok tuig. Makahunahuna kamo og mga paagi sa pagmugna og panimalay nga mas nasentro kang Kristo, sama sa pagbutang og usa ka hulagway sa Manluluwas sa inyong balay, magmemorya kada semana og mga kasulatan mahitungod sa Manluluwas, o maghimo og dugang pagpangandam alang sa adlawng Igpapahulay. Magplano sa pagpatuman sa inyong mga ideya ug magrecord sa inyong journal kon sa unsang paagi nga ang inyong mga paningkamot nakatabang ninyo nga maduol ngadto kang Kristo.