Ko e hā ʻa e ngaahi kī ʻo e lakanga fakataulaʻeikí?

Fai ʻe ʻEletā Gary E. Stevenson

ʻO e Kōlomu ʻo e Kau ʻAposetolo ʻe Toko Hongofulu Mā Uá

Ko e ngaahi kī ʻo e lakanga fakataulaʻeikí ʻoku ʻikai ko ha ngaahi kī ia ʻokú ke lava ʻo ala ki ai pe pukepuke, ʻo hangē ko e kī ʻo e meʻalelé. Ko e kī ʻo e lakanga fakataulaʻeikí ko e mafai pe ngofua ia ke ngāue ʻi he huafa ʻo e Tamai Hēvaní. Naʻe hanga ʻe he ngaahi kī ʻo e lakanga fakataulaʻeikí ʻo tataki e founga hono fakaʻaongaʻi ʻo e lakanga fakataulaʻeikí ʻi he māmaní.

ʻOku maʻu ʻe Sīsū Kalaisi e ngaahi kī kotoa ʻo e lakanga fakataulaʻeikí. ʻI he taimi naʻe toe fakafoki mai ai ʻa e Siasí, naʻá Ne foaki e ngaahi kī ʻo e lakanga fakataulaʻeikí kia Siosefa Sāmita ke ne ngāue ko ʻEne palōfita. ʻOku maʻu ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá ʻa e ngaahi kī ko ʻení he ʻahó ni.

ʻOku tataki ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá ʻa e founga ʻoku fakaʻaongaʻi ai e lakanga fakataulaʻeikí ke tāpuekina e fānau ʻa e Tamai Hēvaní. ʻOku nau vahevahe atu, pe foaki, ha niʻihi ʻo e ngaahi kī ʻo e lakanga fakataulaʻeikí ki he kau pīsopé mo e palesiteni fakakoló.

Koeʻuhí ʻoku ʻi māmani ʻa e ngaahi kī ʻo e lakanga fakataulaʻeikí, ʻe lava ke papitaiso mo hilifakinima kitautolu, maʻu ha tāpuaki ʻo e lakanga fakataulaʻeikí he taimi ʻoku tau puke aí, pea silaʻi kitautolu ʻi he temipalé.