Ngaahi Talanoa ʻo Sīsuú
ʻI he Kei Siʻi ʻa Sīsuú
Mei he Luke 2:41–52
ʻI he kei siʻi ʻa Sīsuú, naʻá Ne nofo mo Mele mo Siosefa mo Hono ngaahi tokouá mo e tuofāfiné. Naʻá Ne ako mei hono fāmilí mo ʻEne Tamai Hēvaní ke Ne poto mo mālohi.
ʻI he taʻu kotoa pē, naʻe fai ai ʻe Sīsū mo Hono fāmilí ha fononga lōloa ki Selusalema. Ne nau ō ki ai ke kātoangaʻi e ʻaho mālōlō naʻe ui ko e Lakaatú.
ʻI he taʻu ʻe taha, ʻi he taimi naʻe totonu ke nau foki ai ki ʻapí, ne fakakaukau ʻa Mele ia mo Siosefa kuo ʻosi ʻalu ʻa Sīsū mo hano ngaahi kaungāmeʻa. Hili ha ʻaho ʻe taha, ne na fakatokangaʻi ʻoku pulia. Naʻe ʻi fē nai ʻa Sīsū?
Naʻe toe foki fakatovave atu ʻa Mele mo Siosefa ki he koló ke kumi ʻa Sīsū. Ne na maʻu atu Ia ki he temipalé. Naʻá Ne akoʻi ha kakai tangata ki he folofolá mo tali ʻenau ngaahi fehuʻí. Naʻe ofo e kau tangatá Heʻene potó.
Naʻe pehē ʻe Sīsū naʻá ne nofo ʻi he temipalé ke fai e ngāue ʻEne Tamai Hēvaní. Te tau lava ʻo ako fekauʻaki mo e folofolá pea fakamatala ki he niʻihi kehé ʻo fekauʻaki mo Sīsū. Te tau tokoni foki ai ki he Tamai Hēvaní!