Meʻa Mahuʻinga Fakatokāteline
Ko e Lea ʻo e Potó
“Naʻe fakahā ʻe he ʻEikí ʻi he 1833 ki he Palōfita ko Siosefa Sāmitá ha palani ki he moʻui leleí. ʻOku maʻu e palani ko iá ʻi he vahe 89 ʻo e Tokāteline mo e Ngaahi Fuakavá pea ʻoku ʻiloa ko e Lea ʻo e Potó. ʻOkú ne ʻomi ha fakahinohino pau fekauʻaki mo e meʻatokoni ʻoku tau maʻú, pea ʻokú ne taʻofi hono fakaʻaongaʻi e ngaahi meʻa ʻoku fakatuʻutāmaki ki hotau sinó.
“ʻOku talaʻofa kiate kinautolu ʻoku nau talangofua ki he ngaahi fekau ʻa e ʻEikí mo tauhi faivelenga e Lea ʻo e Potó, ha ngaahi tāpuaki mahino, pea ʻoku kau ai ʻa e moʻui leleí mo ha ivi fakaesino lahi ange [vakai, T&F 89:18–21]. …
“… ʻOfa ke tau tokangaʻi hotau sinó mo ʻetau fakakaukaú ʻaki hono tauhi e ngaahi tefitoʻi moʻoni kuo ʻomi ʻi he Lea ʻo e Potó, ko ha palani fakalangi kuo foaki mai. ʻOku ou fakamoʻoni ʻaki e kotoa hoku lotó mo hoku laumālié ki he ngaahi tāpuaki nāunauʻia ʻoku fakatatali mai maʻatautolu ʻi heʻetau fai iá.”