Mga Missionary Training Center

Ang bag-ong missionary training center sa Accra, Ghana, ug ang gipadak-an nga missionary training center sa Provo, Utah, USA, nagpakita sa nagpadayong kaimportante sa misyonaryo nga pagserbisyo.

Ang bag-o lang nahuman nga Ghana MTC, tupad sa Accra Ghana Temple, makasulod og 320 ka mga misyonaryo ug duna pay luna nga mapadak-an. Ang mas dako nga pasilidad makaatiman sa mga misyonaryo nga gikan sa kasadpan ug habagatang-silangang Africa, ingon man usab sa mga misyonaryo gikan sa tibuok kalibutan kinsa gitawag sa pagserbisyo sa Africa. Ang bag-ong mga building makapasayon sa mga misyonaryo sa pagkat-on sa ilang lumad nga pinulongan—Iningles o French—ug magkat-on sa pinulongan ug kultura sa dapit diin sila gi-assign nga moalagad.

Ang pagpadako sa MTC sa Pilipinas midoble sa kapasidad niini ngadto sa 280 ka mga misyonaryo. Naglakip kini sa duha ka bag-ong mga building diha sa campus nga adunay lima ka building, nahimutang tupad sa mga opisina sa Philippines Area ug atbang sa Manila Philippines Temple. Sukad giablihan ang MTC sa Pilipinas niadtong 1983, nakaserbisyo kini sa mga misyonaryo nga gikan, o padulong, sa 60 ka mga nasud.

Ang pagpadako sa Provo MTC naglakip sa duha ka bag-ong tag-unom ka andana nga mga building nga adunay 200 ka bag-o nga mga classroom, sobra sa 100 ka mga kwarto nga praktisanan sa pagtudlo, ug 13 ka mga computer lab diin ang mga misyonaryo makadawat og pagbansay sa dili pa sila ipadala sa ilang gi-assign nga mga dapit sa tibuok kalibutan. Ang Provo MTC adunay kapasidad nga makabansay og kutob 3,700 ka batan-ong mga lalaki, batan-ong mga babaye, ug senior nga mga misyonaryo matag higayon.

Ang Simbahan adunay 15 ka missionary training center sa lainlaing dapit sa tibuok kalibutan.