Si Sister Bingham sa United Nations

Namulong atol sa panel discussion nga base sa relihiyon mahitungod sa pagdawat sa mga refugee nga gipahigayon sa United Nations sa New York City niadtong Abril 13, 2017, ang Kinatibuk-ang Presidente sa Relief Society nga si Jean B. Bingham mipahayag og paglaum nga ang mga organisasyon nga base sa relihiyon “magtambayayong pinaagi sa ginagmay ug yanong mga paagi aron makakab-ut og talagsaong mga butang.”

Atol sa tinuig nga “Focus on Faith” nga diskusyon, si Sister Bingham mihisgot sa humanitarian nga mga paningkamot sa Simbahan ngadto sa mga refugee ug mipahayag og sinsero nga pagpasalamat sa tanan nga miapil sa “mahagiton apan magantihon kaayo nga buhat” sa paghupay sa mga pag-antus sa tibuok kalibutan.

Si Sister Bingham bag-ohay lang miuli gikan sa field visit sa United Nations Children Fund (UNICEF) ngadto sa Uganda uban ni Sister Sharon Eubank, Unang Magtatambag sa Kinatibuk-ang Kapangulohan sa Relief Society ug direktor sa LDS Charities. Si Sister Eubank mitambong usab sa miting sa U.N. sa New York City.

Alang sa dugang nga impormasyon kon unsay inyong mahimo sa pagtabang sa mga refugee, adto sa IWasAStranger.lds.org.