Ngaahi Talanoa ʻo Sīsuú
Naʻe ʻAloʻi ʻa Sīsū ʻi Pētelihema
Mei he Luke 1:26–38; 2:1–20
Ne hā mai ha ʻāngelo kia Mele ʻo fakahoko ange ʻoku fiefia ʻa e ʻOtuá ʻiate ia. Te ne hoko ko e faʻē ʻa Sīsuú.
Ne fononga ʻa Mele mo Siosefa ki Pētelihema. Ne mei hokosia e taimi ke ʻaloʻi ai ʻa Sīsuú. Ne tokolahi e kakai ne ʻaʻahi mai ki Pētelihemá ne ʻikai maʻu ai ʻe Siosefa mo Mele ha loki ke na nofo ai. Ne ʻoange ʻe ha taha tali fononga ke na nofo ʻi he fale tauhiʻanga fangamanú.
Ne taimi siʻi pē pea ʻaloʻi ʻa Sīsū. Ne hā ha fetuʻu ngingila ke tala ki he taha kotoa kuo hoko mai ki he māmaní e Maama ʻo e Māmaní.
Ne fakahā ʻe ha ʻāngelo ki ha kau tauhi sipi kuo ʻaloʻi ʻa Sīsū. Ne nau fakavave atu ke mamata ki he pēpē ko Sīsuú ʻoku tokoto ʻi he ʻaiʻanga kai ʻo e manú.
Ne hāʻele mai ʻa Sīsū ki he māmaní koeʻuhí ko ʻEne ʻofa ʻiate aú. Te u muimui ʻi Heʻene maamá ʻi he Kilisimasi ko ʻení pea ʻi he taʻú kakato!