Ikunaʻi ʻa e Ilifiá ʻe he Tuí

Palesiteni Henry B. Eyring, Tokoni ʻUluaki ʻi he Kau Palesitenisī ʻUluakí, “ʻOua ʻe Manavahē ke Fai Lelei,” Liahona, Nōvema 2017, 103.

“Neongo e lahi e tui mo e lototoʻa kuo tau maʻú, ka ʻoku ʻamanaki mai e ʻEikí ki ha meʻa lahi ange meiate kitautolu—pea mo e toʻu tangata ʻoku muiaki maí. ʻE fie maʻu ke nau mālohi ange mo toʻa ange he te nau fai ha ngaahi meʻa lahi ange mo faingataʻa ange he meʻa kuo tau faí. Te nau fehangahangai mo ha fakafepaki lahi ange mei he fili ʻo hotau laumālié. …

“ʻOku ou fakamoʻoni ʻoku muʻomuʻa e ʻEikí ʻiate koe he taimi ʻokú ke fai ai ʻEne ngāué. ʻE ʻi ai e taimi te ke hoko ko e ʻāngelo ne ʻomi ʻe he ʻEikí, ke poupouʻi hake e niʻihi kehé. ʻE ʻi ai e taimi ʻe ʻātakaiʻi ai koe ʻe he kau ʻāngeló ke poupouʻi hake koe. Te ke maʻu maʻu pē Hono Laumālié ʻi ho lotó, ʻo hangē ko e talaʻofa kuo fai kiate koe he houalotu sākalamēniti kotoa pē. Ko e meʻa pē ʻoku fie maʻú ko hoʻo tauhi ʻEne ngaahi fekaú.

“ʻOku teʻeki ke hokosia e ngaahi ʻaho lelei taha ʻi he puleʻanga ʻo e ʻOtuá ʻi he māmaní. ʻOku fakamālohia ʻe he faingataʻá ʻetau tui kia Sīsū Kalaisí, ʻo hangē pē ko ia ne hoko talu mei he ngaahi ʻaho ʻo e Palōfita ko Siosefa Sāmitá. ʻOku ikunaʻi maʻu pē ʻa e ilifiá ʻe he tuí. ʻOku maʻu e uouangatahá mei he ngāue fakatahá. ʻOku ongona mo tali ʻe ha ʻOtua angaʻofa hoʻo lotu maʻanautolu ʻoku faingataʻaʻiá. ʻOku ʻikai ke Ne tulemohe pe mohe.”