Lototoʻa ke Angaʻofa!

Mālō e Lelei! Ko Kalōtia au pea ʻoku ou nofo ʻi ʻAositelēlia. ʻOku ou fakaulo atu ʻeku māmá ʻaki ʻeku angaʻofa ki he niʻihi kehé.

ʻOku Ou Taukapoʻi ʻa e Niʻihi Kehé

ʻOku ʻi ai ha kiʻi tamasiʻi ʻi heʻeku kalasi ʻi he akó ʻoku faingataʻa ke ne ako. ʻOku ou taukapoʻi ia ʻi he taimi ʻoku fakamataliliʻi ai iá pea ʻoku ou tokoni kiate ia ʻi he kalasí ʻi he taimi ʻokú ne fie maʻu aí. Naʻe pehē ʻe heʻeku faiakó ko e toki taʻu ʻeni ʻokú ne ongoʻi ai ʻokú ne kau mai ki he kalasí.

Ko ʻEku Pea Tamapuá

ʻI he taimi ne mālōlō ai e faʻētangata ʻeku faiakó, naʻá ne fuʻu lotomamahi. ʻOku ʻikai ke ne ʻilo fekauʻaki mo e Siasí, ko ia ai naʻá ku talaange ʻoku ʻofa ʻa e Tamai Hēvaní ʻiate ia. Naʻá ku ngaohi ha kaati maʻana pea talaange te ne toe sio ki heʻene faʻētangatá ʻi ha ʻaho. Naʻá ku foaki ange ʻeku kiʻi pea tamapua makehé ke tokoni ʻi he ngaahi taimi ʻokú ne lotomamahi aí.

Ngaahi Kaungāmeʻa Monūʻia

ʻOku faingataʻaʻia hoku kaungāʻapi ko ʻOliviá ʻi heʻene lué, leá mo e fanongó. ʻOku pehē ʻe he fineʻeiki ʻa ʻOliviá ʻoku monūʻia ʻa ʻOlivia ke ne maʻu ha kaungāmeʻa hangē ko aú. ʻOku ou monūʻia foki mo au!

Ko e Hivá mo e Laumālie Māʻoniʻoní

ʻOku ou manako ke hivaʻi e ngaahi hiva mei he Tohi Hiva ʻa e Fānaú. ʻOku pehē ʻe hoku fāmilí ʻoku tokoni ia ke nau ongoʻi e Laumālie Māʻoniʻoní. ʻOku ʻomi ʻe he Laumālie Māʻoniʻoní ha ongoʻi māfana ʻi loto ʻiate au.