Ko ʻEtau Pēsí
Naʻá ku tailiili ʻi heʻeku papitaisó, ka ʻi heʻeku aʻu ki he loto vaí, naʻá ku ongoʻi e fiefia kakato.
Tōmasi B., taʻu 8, ʻUlukuai
Naʻa mau fononga mei Kemipōtia ki he Temipale Hongo Kongo Siainá koeʻuhí ke lava ʻo silaʻi hoku kiʻi tuofefine siʻisiʻi ko Lolá, ki homau fāmilí. Naʻá ku ongoʻi e Laumālié ʻi he feituʻu makehe ko iá.
Losa P., taʻu 9, Kemipōtia
ʻI ha ʻaho ʻe taha he kalasí, naʻá ku laukonga fakalongolongo lolotonga e vaʻinga e niʻihi kehé ʻi ha fanga kiʻi papa vaʻinga. ʻI he tā ʻa e fafangú, naʻa nau laku fakavave e papa vaʻingá ʻi he puha tohí pea naʻe moveuveu ʻaupito. Naʻá ku kamata fakamaau ia, pea vave pē ʻa e kamata ke tokoni mai mo e niʻihi kehé. Naʻá ku fakaulo atu ʻeku māmá ʻaki ʻeku hoko ko ha faʻifaʻitakiʻanga lelei.
Uini W., taʻu 10, Kānata
ʻI he hoko hoku taʻu valú, naʻe haʻu ʻeku ngaahi kuí mo ha ngaahi kaungāmeʻa tokolahi ki hoku papitaisó. Naʻe papitaiso mo hilifakinima au ʻe heʻeku tangataʻeikí. Kimui ange aí, naʻá ku foaki ha ʻinisi ʻe 12 (senitimita ʻe 30) ʻo hoku louʻulú ki ha taha kei siʻi naʻe kanisā. Naʻá ku fuʻu fiefia ʻi hoku ʻaho fāʻeleʻí.
Lavona R., taʻu 8, ʻInitonēsia