Eit Niu Tempol, Ol Histri Bilding Oli Kam Niu- Anaonsmen
Ol tempol we oli bin bildim long taem blong ol paeonia, wetem Sol Lek Tempol, bae oli mekem i kam niu bakegen, mo bae oli bildim wan nara eit niu tempol.
Presiden Russel M. Nelson i endem Epril 2019 jeneral konfrens wetem anaonsmen blong eit niu tempol mo wok blong mekem niu bakegen fofala tempol we oli bin bildim long taem blong ol paeonia, wetem sam moa ditel abaot restoresen blong Sol Lek Tempol.
Ol niu tempol, bae oli bildim olgeta long Pago Pago, Ameriken Samoa; Okinawa Siti, Okinawa; Neiafu, Tonga; Tooele Vale, Yuta; Moses Lek, Wasington; San Pedro Sula, Honduras; Antofagasta, Jile; Budapest, Hangari.
I gat plan blong mekem Sol Lek Tempol i niu bakegen, wetem Tempol Skwea, mo ples narasaed kolosap long Jos Ofis Bilding long Sol Lek Siti, Yuta, YSA. Ol tempol long Sent Joj, Mantae, mo Logan, Yuta, YSA, bae oli mekembak bakegen i no longtaem. “Wok ia bae i minim se wanwan tempol bae i klos blong wan sot taem,” Presiden Nelson i talem. Ol memba blong Jos oli save gohed long tempol wosip mo seves long ol nara tempol kolosap. Taem wanwan projek i finis, wanwan histri tempol ia, bae oli dediketem bakegen.
Stat long taem we hem i kam Presiden blong Jos long Jenuware 2018, Presiden Nelson i bin anaonsem 27 tempol. Stat long las Jeneral Konfrens long Oktoba 2018, oli bin dediketem ol tempol long Rom, Itali; Barankuila, Kolombia; mo Konsepsion, Jile.