Gavman blong Koweit I Luksave Jos

Jos i kasem ofisol pepa we i talem se oli luksave Jos; Stet blong Koweit i givim hemia long ol lokol lida mo ol oganaesesen blong Jos. Kolosap 300 memba blong Jos blong Jisas Kraes blong Ol Lata-dei Sent oli stap laef mo wok long Koweit; oli kamaot long plante kantri raon long wol. From se gavman i luksave Jos, bae i mekem se ol lokol lida oli save givim moa gud seves blong lukluk long ol nid blong ol memba blong Koweit.

Bisop Terry Harradine blong Koweit Wod, Manama Bahren Stek, i talemaot bigfala tangkyu long gavman blong Koweit blong letem fridom blong wosip long Koweit, speseli long ol ovasi wokfos, mo blong promotem fasin blong akseptem nara relijin insaed long kantri.