Heven I Help Wetem Evri Samting

Hem i wan spesel janis blong gat wan intaviu we i no stap hapen oltaem, wetem evri memba blong Kworom blong Olgeta Twelef Aposol blong raetem abaot tabu rol olsem wan aposol ( luk long “Mifala Ol Witnes,” pej 12).

Afta we mi mit wetem Presiden M. Russell Ballard, Akting Presiden blong Kworom blong Olgeta Twelef, mi lukluk i go bak insaed long ofis blong hem. Hem i sidaon biaen long tebol blong hem, stap raetem wan toktok blong jeneral konfrens. Hem i bin givim seves olsem wan jeneral atoriti blong longtaem finis i kam—oli sastenem hem i go long Fas Kworom blong olgeta Seventi long 1976. Hem i taet be hem i gat paoa tu semtaem. “?Yu oraet?” hem i askem mi, folem wetem wan kaen woning: “Yu no wok tumas.” I stap kam long wan man we i akseptem kol ia blong wok ful laef blong hem long seves blong Lod, sot storian ia i gat wan bigfala mining long laef blong mi.

Olgeta Twelef oli singaotem olgeta blong “stretem evri wok [blong jos] long evri nesen” (Doktrin mo Ol Kavenan 107:33). Be taem yu stap wetem olgeta, tingting blong olgeta i jenis long jos raon long wol i go long wanwan man o woman we i stap long fored blong olgeta. Oli kam long ol wei we i impoten long wol, be taem mi lego ofis blong olgeta, ol toktok we bae i tokbaot fasin blong olgeta i semmak nomo—tingting i stap daon mo kaen.

“Samtaem mi stap askem miwan, ‘?Olsem wanem nao mi save stap wetem ol gudfala man ia long wol ia tedei?’” Presiden Balad i talem long mi. Afta hem i testifae, “Heven I Help Wetem Evri Samting.” Mi hop se yu gat wan gud taem blong lukluk long koling ia olsem wan Aposol.

Sarah Jane Weaver

Jos Nius Edita