!Mi mi Kristin!
Taem mi kasem baptaes mo kasem konfemesen, mi bin tekem long mi nem blong Kraes.
Hemia i minim se mi jusum blong folem Hem mo traem blong mekem wanem we i raet.
!Mi mi Kristin! Mi biliv se Kraes i Wan Stret Pikinini Ia Nomo blong Hem—
Hem i Prins blong Pis, Gudfala Man blong Lukaot long Sipsip, Bred blong Laef, Tabu Wan ia.
!Mi mi Kristin! Mi ridim ol skripja evri dei, stap lanem abaot laef blong Hem,
Ol merikel blong Hem, ol tijing blong Hem, sakrifaes blong Hem we i no save finis.
!Mi mi Kristin! Mi wantem wol i save se Jisas i bin ded from olgeta.
From se Hem i givim laef blong Hem from yumi, yumi evriwan bae i laef bakegen!
!Mi mi Kristin! Taem we sol blong mi i filim nogud from ol sin o ol samting blong wol,
Mi tanem hat blong mi i go long Jisas mo mi save se bae Hem i stap.
!Mi mi Kristin! Mi yusum wanem we mi gat blong helpem ol fren blong mi we oli stap long nid.
Mi traem blong mekem wanem we Kraes bae i mekem, mi stap folem rod blong Hem.
!Mi mi Kristin! Mi tingbaot Kraes olsem we Hem i wantem yumi blong mekem.
Mi tekem sakramen evri wik, mo promes blong stap tru.
!Mi mi Kristin! Mo tu taem mi stap miwan, mo soem fasin blong stap tru.
Mi mi ones, smat, mo gat klin fasin. Yu save dipen long mi.
!Mi mi Kristin! Mi fogivim evriwan we oli jusum blong mekem wanem we i rong.
Mi welkamem pis mo frensip mo helpem pipol blong stap glad tugeta.
!Mi mi Kristin! Mi lavem Jisas Kraes wetem ful hat blong mi. !I tru!
Hem i taem blong yu nao—!plis serem wanem i minim long yu blong stap wan Kristin!