Mesej we I Kam long Fas Presidensi

Stap Serem Gospel

I Kam long Elda Dallin H. Oaks

Fas Kaonsela long Fas Presidensi

Karemaot smol long “Stap Serem Gospel we I Kambak,” Liahona, Nov. 2016, 57–60.

Sevya, Jisas Kraes i bin komandem ol disaepol blong Hem blong serem gospel wetem evriwan long wol. Hem i talem,“Yufala i mas go long evri ples long wol, yufala i talemaot gud nius blong mi long olgeta man” (Mak 16:15).

Yumi nidim evri memba blong Jos blong helpem tekem gospel i go long ful wol.

Hemia sam long ol wei we yu save help blong mekem:

1. Lavem evriwan olsem ol brata mo sista blong yu, olsem we Jisas i bin tijim.

2. Kipim ol komanmen olsem yu save stap wan gud eksampol.

3. Prea blong save hu i rere blong lanem abaot gospel mo olsem wanem yu save serem wetem olgeta.

4. Helpem ol narafala man blong lanem moa abaot Jisas Kraes.

Misinari wok i minim blong gat wan fasin blong lav mo blong helpem ol nara man. Nomata ol nara man i ansa olsem wanem, yu yu wan misinari wetem sakses !sapos yu serem gospel wetem lav!