Ol Givhan Prinsipol
?Olsem Wanem Nao Yumi Krietem wan Kaljablong Mekem Wan I Fil Pat blong Jos?
Ol pikja foto oli kam long Getty Images
Taem yumi lukluk raon long ol wod mo ol branj blong blong yumi, yumi luk ol pipol we i had blong olgeta blong joenem ol narawan. Wanem we yumi no luk save se long olgeta we oli save joenem ol narawan,i gat fulap long olgeta oli filim se oli no wantem olgeta. Eksampol, wan stadi, we oli jes faenem nomo se haf long ol adalt long Yunaeted Stet oli talem se oli filim se oli stap olgeta wan nomo, oli no wantem olgeta, o oli stap longwe long ol narawan.1
Hem i impoten blong filim se yu mas joen tu. Hem i wan stamba nid blong wan man o woman, mo taem yumi filim se oli no wantem yumi, i mekem yumi filim nogud. Blong no wantem yumi i save givim ol filing blong harem nogud o kros.2 Taem yumi filim se yumi joen wetem ol nara wan, yumi stap lukaotem wan ples wea i mekem yumi filim gud mo blong joenem. Yumi nid blong helpem evriwan blong oli filim se oli nid blong stap long jos.
Tekem ol nara wan i kam tekpat olsem Sevya
Sevya i wan gudfala eksampol blong luk save olsem wanem wan i impoten mo blong joen wetem ol nara man. Taem hem i jusum ol Aposol blong Hem, Hem i no lukluk long bodi blong olgeta, mane, o wanem wok nao oli gat. Hem i luk woman Samaria long wel ia i impoten, Hem i testifae long hem abaot tabu wok blong Hem mo olsem wanem nao ol Jiu i lukluk daon long ol man Samaria” (luk long Jon 4). Hem i lukluk long hat mo i lukluk long ol man semak nomo (luk long 1 Samuel 16:7; Doktrin mo Ol Kavenan 38:16. 26).
Sevya i talem:
“Wan niufala komanmen mi givim long yufala, blong yufala i lavlavem yufala; olsem we Mi mi lavem yufala, blong yufala i lavem ol narafala man tu.
“Nao from we yufala i stap lavlavem yufala, bambae olgeta man oli luksave se yufala i man blong mi” (Jon 13:34–35
Wanem Nao Yumi Save Mekem?
Samtaem i had blong talem sapos wan man i filim se hem i stap aotsaed. Fulap long ol man bae oli no talem—bae i no klia. Be wetem wan hat we i gat lav, wetem Tabu Spirit we lidim yumi, mo ol efot we i yumi mekem, bae yumi save luk save ol man we oli no filim se oli pat blong stap long ol Jos miting mo ol aktiviti.
Sam Long Ol Saen We Wan Man I Filim Se Oli No Wantem Hem
-
Oli stap olgetawan, olsem oli foldem han blong olgeta o lukluk daon oltaem.
-
Oli sidaon biaen long rum o oli sidaon olgetawan
-
Oli stap kam long jos o oli kam long jos wanwan taem.
-
Oli lego ol miting eli o ol aktiviti eli.
-
Oli no tekpat long ol lesen.
Bae i gat ol nara saen blong ol filing tu, olsem oli sem, oli fraet, o oli se oli no filim gud tumas blong stap. Ol memba oli save filim “i difren” taem oli ol niu memba blong Jos, oli blong wan nara kantri o kalja, o oli jes gat wan nogud eksperiens long laef, olsem divos, wan memba blong famli i ded, o oli kambak long haos eli long misin,
Nomata long risen ia, yumi no sapos blong tekem taem blong helpem olgeta wetem lav. Wanem yumi talem o wanem yumi mekem i save krietem wan filing we i save mekem olgeta i filim se oli welkamem mo oli nidim olgeta.
Sam Wei blong Ingkludum man mo Welkamem Olgeta.
-
No sidaon wetem semmak pipolol taem long jos.
-
Lukluk i go moa bitim wanem we yu save luk long olgeta aotsaed mo lukluk stret long tru hem. Moa infomesen long topik ia, luk long “Givhan Olsem we Sevya I Stap,” Liahona, Jun 2019, 8–11.)
-
Ingkludum ol narawan blong toktok
-
Invaetem ol narawan blong oli kam wan pat blong laef blong yu. Yu save ingkludum olgeta long ol aktiviti we stap planem.
-
Faenem mo bildimap ol samting we i pulum intres.
-
No stop blong mekem fren from se nara wan ia i no semmak long ol wei blong yu.
-
Taem we yu luk wan samting we i spesel abaot wan man o talen blong hem, gat wan intres blong go helpem be i no blong tokbaot hem o blong no wantem save long hem.
-
Soem lav mo givim ol gudfala ansa
-
Tekem taem blong tingting long wanem i rili minim taem yumi talem se Jos i blong evriwan, i no mata spos oli difren. ?Hao nao yumi save mekem samting ia i kam ril?
Hem i no isi blong filim gud raon long ol pipol we oli difren long yumi. Be wetem praktis, yumi save kam gud moa blong faenem valiu long ol difren fasin ia mo blong akseptem wanem wanwan man, woman i givim Olsem we Elda Dieter F. Uchtdorf blong Kworom blong Olgeta Twelef Aposol i tijim, ol difren fasin blong yumi i save helpem yumi bildim wan gudfala, hapi pipol: “Kam, helpem mifala mo bildim mo mekem kalja i kam strong moa long hiling, fasin blong stap kaen, mo gat sore long ol pikinini blong God.”3
Kasem blesing taem yumi Ingkludum ol nara wan
Christl Fecther i muv i go long wan nara kantri afta we wo i spolem kantri blong hem. Hem i no toktok lanwis blong kantri ia gud mo i no save eniwan long komuniti blong hem, fastaem hem i filim se hem i stap hemwan mo nogat man kam luk hem.
Olsem wan memba blong Jos, hem i gat strong tingting mo stat blong go long jos long niu wod blong hem. Hem i wari se strongfala saon blong toktok blong hem bae i mekem ol memba bae oli fraet blong toktok long hem o bae oli jajem hem from hem i singgel.
Be hem i mitim ol narawan we oli lukluk i go moa bitim samting we i mekem hem i difren mo oli welkamem hem long komuniti blong ol fren blong olgeta. Oli helpem hem wetem lav, mo smol taem i pas, hem i luk olsem wanem hem i bisi taem hem i stap help blong tijim praemeri klas. Ol pikinini ia oli ol gudfala eksampol blong akseptem samting, mo filing ia blong lav blong olgeta mo blong nidim hem ia i mekem fet blong hem i kam strong moa i helpem hem blong tingting bak blong putum ful laef blong hem long Lod.