E Alofa Iesu ia Tatou Fanau

E tele taimi ou te mafaufau ai e uiga i tamaiti. Ou te alofa i tamaiti i laʻu lio o aiga ma uo. Ma le isi, o laʻu galuega mo mekasini a le Ekalesia e aofia ai le fatuina ma le faasaʻoina o itulau mo tamaiti i le salafa o le lalolagi. Ae i ni nai tausaga ua mavae, na ou iloaina ai ou te lei suesue lava i mea na aoao mai e tusitusiga paia e uiga i tamaiti. O lea sa ou filifili ai e faitau le Feagaiga Fou ma le Tusi a Mamona ma gauai atili atu i mea e mafai ona ou aoaoina e uiga i lenei vaega faapitoa.

Sa o se aafiaga e suia ai olaga! Faatasi ai ma le tele o upumoni na ou mauaina, o le mea e sili ona taua o le faateleina o le malamalama i le tele o le alofa o Iesu i tamaiti. Sa ia auauna atu i tamaiti o se vaega faapitoa, vaetofia mai isi, i lea taimi ma lea taimi. E mafai faapefea ona tatou mulimuli i Lana faataitaiga?

O laʻu tusiga o loo i le itulau e 18 o loo faasoa mai ai nisi o lesona na ou aoina mai lena aafiaga o le suesueina o tusitusiga paia, faatasi ai ma manatu ma manatu faaalia mai le tele o tagata atamamai i le vaega o le puipuia mai sauaga.

E matua pele lava tamaiti. Ou te faʻamoemoe e mafai ona tatou galulue faʻatasi e puipuia ma faʻamalosia i latou, ma faia i latou pei o Iesu!

Alofaaga,

Marissa Widdison