O Atatusi o le Faatuatua
Wilson Di Paula
San José, Uruguay
O se faalavelave tau uila afi na mafua ai ona pipili Wilson. Ina ua mavae se tausaga na maliu lona toalua. I le avea ai ma se tasi ua oti lona toalua ma teineiti laiti e toalua, na le iloa e Wilson le mea e fai. Na te lei iloaina pe i ai se faamoemoega i le olaga. O Wilson na mafai ona ita. Nai lo lena, na amata ona ia sailia le upumoni.
Cody Bell, le pueata
Ina ua mavae le faalavelave i lau uila afi ma le maliu o lou toalua, na tuua au ma teineiti laiti e toalua e tausia. Sa ou le iloa pe o le a faapefea ona ou tausia oʻu afafine i se nofoa faataavalevale. O lenei faalavelave na suia atoa ai lo’u olaga.
Sa tele ni au fesili sa i ai. Aisea e tutupu ai mea leaga? Sa ou taumafai e faia mea sao, ma na aveesea laʻu ava mai ia te au ma sa tuua au i se nofoa faataavalevale, ona tatau ai lea i fomai ona faia se taotoga i le ulu o loʻu afafine e aveese se tuma. Na amata ona ou mafaufau e leai se faamoemoega i le olaga.
Sa ou iloa e manaomia ona ou maua le upumoni. Sa ou sailiili i lotu eseese ma maua Le Ekalesia a Iesu Keriso o le Au Paia o Aso e Gata Ai. Na ou lagona o le mea moni lea.
Sa ou aoaoina o loo i ai se olaga pe a mavae lenei olaga, ma a tatou oti, e mafai ona tatou faatasi ma i latou tatou te alolofa i ai. O lenei mea na ou maua ai le olioli ona o le 10 tausaga matagofie na ma mauaina ma loʻu toalua.
O le mauaina o le talalelei na suia ai loʻu olaga i soo se itu. Na amata ona ou maua le filemu o le mafaufau ma le filemu o le lotofuatiaifo. Sa ulu mai le fiafia i loʻu aiga ao matou o i le lotu i Aso Sa uma. Na matou o mai i le fale ma le loto ua faamalosia. Sa matou papatiso ma mulimuli ane faamauina mo le faavavau atoa i le malumalu i Atenitina.
O lenei ua ou agai pea i luma i le Ekalesia. Sa ou auauna o se fesoasoani i le au epikopo, ma ou te taumafai e aoao mai oʻu aafiaga uma, mai tofotofoga uma o le olaga. E aumaia ia te au le malosi. A o ou nofo i se nofoa faataavalevale mo le sili atu ma le 20 tausaga, ua ou aoaoina o le fiafia e sau mai totonu. E aʻoaʻo atili ai se tasi i aso uma. Mo lena mea, ou te loto faafetai ai.
Ua ou iloa nei e i ai se faamoemoega mo le i ai i luga o le fogaeleele. Ua tatou i ai iinei o se vaega o le fuafuaga e faavavau a le Tama Faalelagi. Ua i ai so tatou Faaola o le na manumalo i le oti ma na toetu. O le iloaina o lenei mea e aumaia ia te au le malosi. O lenei, ou te taumafai e tutumau ma faaauau pea i luma. E i ai soʻu faamoemoega ma ou te iloa ao ou taumafai e ola i se olaga agavaa, e mafai ona ou maua se aiga e faavavau.
E ui i luitau o feagai ma Wilson ma lona afafine o Sofia, ae o le talalelei e aumaia ia i laua le filemu, fiafia, ma le malosi. Sa nonofo faatasi Sofia ma lona tama talu mai lona taotoga. E maua e Wilson le fiafia i le auauna atu i le Ekalesia.
O le kuka aʻo ia aveina solo se nofoa faʻataʻavale i le umukuka o se tasi o le tele o tomai ua atiaeina e Wilson talu mai le faalavelave lea na tuua ai o ia e le toe savali.
Ua maua e Wilson le faamoemoe ma le malosi mai le Faaola ao ia suesue i tusitusiga paia.
Ua auai faifeautalai i le aiga o Di Paula mo le ‘aiga o le afiafi. O le fiafia o Wilson i le talalelei o se malosiaga i lona aiga ma i le Ekalesia.
Ina ua mavae se faalavelave matuia ma le maliu o lona faletua, na fesiligia e Wilson le faamoemoega o le olaga. Sa ia maua le faamoemoega ina ua ia mauaina le talalelei a Iesu Keriso.
Na maua e Wilson ma Sofia le faamoemoe i le talalelei. O le faʻaaluina o le silia ma le 20 tausaga i se nofoa faʻataʻavalevale e leʻi taofia ai Wilson mai le auauna atu i ni auala anoa.
O le ataata a Wilson o se faamaoniga o le tele o le faaleagaga i lona olaga. “O le fiafia e sau mai totonu,” o le tala lea a Wilson. “E aʻoaʻo atili ai se tasi i aso uma.”
A o latou aai faatasi, o le aiga o Di Paula e sili atu mea latou te fefaasoaai ma faifeautalai nai lo o meaai, latou te fefaasoaai foi lo latou alolofa ma le faafetai mo le talalelei.