O le a le vaaiga a le Ekalesia i le siosiomaga?

O se upu autu i le malamalamaaga o la matou vaaiga i le siosiomaga o le tausimea. E le faapea o tagata e umia le lalolagi ma e mafai ona latou faʻaaogaina i le ala latou te manano ai , ae ia tatou tali atu mo auala tatou te faʻaaogaina ai ana punaoa (tagai Mataupu Faavae ma Feagaiga 104:13--15). E ui “ua lava ma totoe mea o i ai” (Mataupu Faavae ma Feagaiga 104:17), E finagalo le Atua ia tatou faaaogaina ma le faautauta punaʻoa a le lalolagi (tagai Mataupu Faavae ma Feagaiga 59:20).

Na foafoaina e le Atua le lalolagi ma folafola atu Lana foafoaga “ua matua lelei lava” (tagai Kenese 1:1, 31). O lenei lalolagi na foafoaina e nonofo ai fanau a le Atua o se vaega o Lana ata o le faaolataga. O le lalolagi lava ia o le a faapaiaina ma maua se mamalu selesitila (tagai Mataupu Faavae ma Feagaiga 88:18–19).

Na faia e le Atua le lalolagi e le gata e aoga ae e matagofie foi. Ioe, o mea uma e maua mai le eleele, “ua faia mo le lelei ma le faaaogaina e le tagata, e faafiafia ai mata ma faaolioli ai le loto,” faapea foi “e faaolaola ai le agaga” (Mataupu Faavae ma Feagaiga 59:18–19).

E tatau ona tatou ava i le Atua e ala i le talisapaia o Ana foafoaga, faailoa atu le agaga faafetai mo i latou, ma le taumafai ia tausia i latou ia matagofie. E tatau ona tatou faasaoina punaoa, puipuia le natura, ma aloese mai le faaleagaina ma otaota.