Kakaongoraan te ka 189 ni Maungatabu ni Kabuta te Kauatai n te Ririki
Taan kairiiri n te Ekaretia ake a taetae n tain te maungatabu ni Kabuta a kaokioka te kakao n riki—n riki ni kukurei riki, n riki ni mimitong riki, n riki n aekakin te Tia Kamaiu, ao ni buokiia tabeman bwa a na karaoa naba aekan aei.
Irarikin anne, a karaoa te bitaki anne ae ti na kona ni karaoia naba ngaira.
“E tangiriia natina ni kabane te Uea bwa a na karekei kakabwaia aika akea tokiia aika kona n reke n te tembora,” E reirei Beretitenti Russell M. Nelson. “… Tauiia n tatabeman n rin n ana auti te Uea a kainnanoa te katauraoi n te tamnei irouia n tatabemaniia. Ma man ana ibuobuoki te Uea, akea te bwai ae aki kona n karaoaki.”
Kakaean te Kukurei ao te Mimitong
Beretitenti Nelson e kaoira n tatabemaniira bwa ti na tau ibukin kakabwaia n te tembora (taraa iteraniba 120).
Beretitenti Henry B. Eyring e kabwarabwara te reitaki imarenan karikirakean te mimitong ao karikirakean te kukurei (taraa iteraniba 100).
Unimwaane D. Todd Christofferson e reireiniira arora ni kakaea “kimwareireia aika itiaki” (taraa iteraniba 15).
Te kakao nakon te Tangira ao te Tibwatibwa
E reirei Beretitenti Nelson kakawakin tangiraia kaain rarikira ao ni kamataata aron mwiin te mwakuri ni bwaai n ibuobuoki ae korakora mwiina nakoia aomata n te Ekaretia (taraa iteraniba 96).
Unimwaane Dieter F. Uchtdorf e kabwarabwara mwaakan kaoaiia tabeman nakon “nakomai ao nooria” (taraa iteraniba 86).
E kabwarabwara Titita Cristina B. Franco kakukurein tibwauakin te euangkerio (taraa iteraniba 83).
Kakorakorakiia te Roronrikirake
E kabwarabwarai bitaki te burabeti nakon baireakiia te roronrikirake are e na kaungaia te roronrikirake n te kooram ao beretitentii n te kiraati bwa ana teirake ao ni kairiiri (taraa iteraniba 38).
Unimwaane Quentin L. Cook e kamataata aron mwakurin te kairiiri n te Nakoanibonga ae te Aaron (taraa iteraniba 40).
E tibwauai bitaki Titita Bonnie H. Cordon nakon te bootaki n Ataeinnaine (taraa iteraniba 67).
Katean Tembora; Kateakira
Beretitenti Nelson e katanoatai waniua tembora aika boou n tain aia tetere aine (taraa iteraniba 120).
N tawanoun te Tabati, e reirei taekan te tau n rin n te tembora ao ni kabwarabwara te beeba ni kariaia nakon te tembora ae a tia ni manga rinanoaki (taraa iteraniba 120).