Bitakin Bootaki ae Boboto iaon Kakorakoraia te Roronrikirake
Ngkai mwakoron te kekeiaki n anganiia te roronrikirake n te Ekaretia te konaa ni kakoroa nanon aia konabwai mai eta, bitaki n te bootaki n ataeinimwaane ao n te bootaki n ataeinnaine a katanoataaki n Okitobwa 2019 n te maungatabu ni kabuta iroun Beretitenti Russell M. Nelson (taraa iteraniba 38) ao ni kabwarabwaraaki iroun Unimwaane Quentin L. Cook man te Kooram n Abotoro n te Tengaun ma Uoman (taraa iteraniba 40) ao Titita Bonnie H. Cordon, te Beretienti ni Kabuta n te Bootaki n Ataeinnaine (taraa iteraniba 67).
Bitaki aikai a katuruturua bwa “moan taben te bitiobi ae moan te kakawakin bon tararuakiia ataeinimwaane ao ataeinnaine n ana uoote,” e taku Beretitenti Nelson. Taian bitaki a raonaki ma katokan te beretitentii n te Bootaki n Ataenimwaane n te uoote. Te bitiobiriki, n aron te beretitentii n te Nakoanibonga ae te Aaron, e na buokaki irouia taian aetuwaitia n te kooram ao taian tibetioriti inanon tabeua keiti. Te beretitenti n te Bootaki n Ataeinnaine e na ribooti ni kaineti nakon te bitiobi.
Beretitentii n te kooram ao n te kiraati a na kabanea nanoia iaon te mwakri ni kamaiu, n raonaki ma aia mwakuri ni mitinare membwa, tauakiia aika a tibwa rairaki, te waaki ni kamrarurung, te mwakuri n te tembora ao rongorongon te utu, ao n reireia te euangkerio. Beretitenti ibukin aia kooram te Roronrikirake ao beretitenti ibukin te kiraati a na kaira bootakin te Tabati, mwakuri ni karikirake, ao tabeua waaki ni kakukurei.
Waaki ni kakukurei ibukiia te roronrikirake a aikoa manga aranaki bwa “Miutuo” ma a kona n aranaki bwa “waaki ni kakukurei ibukiia Ataeinnaine,” “waaki ni kakukurei ibukin te kooram n te Nakoanibonga ae te Aaron,” ke “waaki ni kakukurei ibukiia te roronrikirake.” Taian kataumwane ibukin aia waaki ni kakukurei te roronrikirake e na riai ni bwenauaki ma te mwakoro ae bootau, ni kaineti ma mwaitii te roronrikirake inanon bootaki nako.
Ana botoniango te Bootaki n Ataeinnaine e a tia ni manga rinanoaki, ao mwaitin aia kiraati Ataeinnaine e iai ni barongaaki ni kaineti ma mwaitin ao kainnanoia ataeinnaine. Kiraati ni kabane a na aranaki n “Ataeinnaine,” n rimwiaki man aia ririki ake kaain te kiraati, n aron “Ataeinnaine 12–14,” ke ae bebete “Ataeinnaine” ngkana a bane ni bootaki. Aara aika “Biiawe,” “Mwaia Meite,” ao te “Raurere” a nang aki kabonganaaki.
Te membwa n te kauntira ae rietaata n te titeiki e na beku bwa te beretietnti n te Bootaki n Ataeinimwaane, ao te beretitentii ibukin te Bootakin Ataeinimwaane n te titeiki e na beku ibukin te komete n te Nakoanibonga ae te Aaron–Bootaki n Ataeinnaine ma te beretitentii n te Bootaki n Ataeinnaine.
Inanon bitaki tabeua, te Boootaki n Aine, Bootaki n Ataeinnaine, Bootaki n Ataeinimwaane, Moanrinan, ao te Reirei n Tabati a na aranaki bwa bootaki” nakon ae “bootaki nako,” ao taan kairiiri a na aranaki bwa “Aobitia ni Kabuta” n ana karinan te Ekaretia ni kabuta ao bwa “aobitia n te titeiki” ao “aobitia n te uoote” n ana karinan te aba.