Ngaahi ʻIlo ki he Tohi ʻa Molomoná
Ko Sīsū Kalaisi Ko e …
Tupuʻangá
“Pea ʻe ui ia ko Sīsū Kalaisi, ko e ʻAlo ʻo e ʻOtua, ko e Tamai ʻo e langí mo e māmaní, ko e Tupuʻanga ʻo e ngaahi meʻa kotoa pē mei he kamataʻangá” (Mōsaia 3:8).
Tauhisipi Leleí
“ʻOku ui kiate kimoutolu ʻa e tauhi-sipi leleí; ʻio, pea ʻokú ne ui kiate kimoutolu ʻi hono huafa ʻoʻoná, ʻa ia ko e huafa ʻo Kalaisí” (ʻAlamā 5:38).
Tokotaha Māʻoniʻoni ʻo ʻIsilelí
“Vakai, ʻoku lausiʻi ʻa e hala ki he tangatá, ka ʻoku tuʻu hangatonu atu ia ki muʻa ʻiate ia, pea ko e tauhi ʻo e matapaá ʻa e Tokotaha Māʻoniʻoni ʻo ʻIsilelí; pea ʻoku ʻikai te ne nō ha taha kehe ke ne tauhi ia” (2 Nīfai 9:41).
Ko e Lami ʻa e ʻOtuá
“Ko e Lami ʻa e ʻOtuá ko e ʻAlo ia ʻo e Tamai Taʻengatá, pea ko e Fakamoʻui ʻo e māmaní; … kuo pau ke haʻu ʻa e kakai fulipē kiate ia, pē ʻe ʻikai fakamoʻui ʻa kinautolu” (1 Nīfai 13:40).
Mīsaiá
“Naʻe fakamoʻoniʻi [ʻe Līhai] ʻoku fakahā ʻo mahinongofua ʻe he ngaahi meʻa naʻá ne mamata mo fanongo aí, kae ʻumaʻā foki ʻa e ngaahi meʻa naʻá ne lau ʻi he tohí ʻe hāʻele mai ha Mīsaia, kae ʻumaʻā foki hono huhuʻi ʻo e māmaní” (1 Nīfai 1:19).
ʻAlo Pē Taha Naʻe Fakatupú
Ko ia, ʻilonga ia ʻoku fakatomala pea ʻikai fakafefeka hono lotó, ʻe maʻu ʻe ia ʻa e totonu ki he ʻaloʻofa ʻi hoku ʻAlo pē Taha Naʻe Fakatupú, ki ha fakamolemole ʻo ʻene ngaahi angahalá” (ʻAlamā 12:34).
Huhuʻí
“ʻOku ou ʻilo kuo huhuʻi koe, koeʻuhi ko e māʻoniʻoni ʻa ho Huhuʻí; he kuó ke vakai ʻe hāʻele mai ia ʻi he kakato ʻo e ngaahi kuongá ke ʻomi ʻa e fakamoʻuí ki he faʻahinga ʻo e tangatá” (2 Nīfai 2:3).
Fakamoʻuí
“Pea kapau leva te mou tui kia Kalaisi, pea mou papitaiso, ʻuluaki ʻi he vaí, pea toki ʻi he afi mo e Laumālie Māʻoniʻoni, ʻo muimui ki he sīpinga ʻa hotau Fakamoʻuí, … ʻe lelei ia kiate kimoutolu ʻi he ʻaho ʻo e fakamāú” (Molomona 7:10).
ʻAlo ʻo e ʻOtuá
“Koeʻuhi te ne moʻui ʻi he kakanó ʻe ui ai ia ko e ʻAlo ʻo e ʻOtuá” (Mōsaia 15:2).