Siʻi Ngaahi Mātuʻa,

ʻOku mau fiefia ke kamata ha taʻu foʻou mo kimoutolu! Te tau ako fakataha fekauʻaki mo e Tohi ʻa Molomoná. Ko e hā e ngaahi talanoa ʻi he Tohi ʻa Molomoná ʻoku manako ai ho fāmilí? Kātaki ʻo tokoni ki hoʻo fānaú ke nau tā ha fakatātā pea ʻomi ia kiate kimautolu (vakai, peesi K3). Te mau fakaʻaliʻali ha niʻihi ʻo e ʻū fakatātā ko ʻení ʻi he makasiní he taʻú ni! Ko ha ngaahi peesi ʻeni ʻe niʻihi fekauʻaki mo e Tohi ʻa Molomoná mei he makasini ko ʻení:

• Ko ha pōpoaki mei he palōfitá (peesi K2)

• Ko ha saati laukonga (peesi K12–K14)

• Ko ha ʻekitivitī talanoa mei he folofolá (peesi K16)

• Ko ha talanoa fekauʻaki mo e fāmili ʻo Līhai mo Selaiá (peesi K20–K23)

• Ko ha talanoa fekauʻaki mo ha tamasiʻi ʻokú ne maʻu ha founga foʻou ke lau ai e Tohi ʻa Molomoná (peesi K4–K5)

Taʻu Foʻou Fiefia!

Ko e Kaumeʻá

Founga ke ʻOatu Ai e Tā Valivali pe Aʻusia Hoʻo Kiʻi Tamá ki he Liahoná

ʻAlu ki he liahona.ChurchofJesusChrist.org pea lomiʻi ʻi he “Submit an Article or Feedback.” Pe ʻīmeili ia ki he [e-mail] fakataha mo e hingoa ʻo e fānaú, taʻu motuʻá, kolo ʻoku nofo aí, mo e fakamatala fakangofua ko ʻení: “Ko au, [fakahū ho hingoá], ʻoku ou fakangofua e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke fakaʻaongaʻi e ngāue ʻeku fānaú ʻi he ʻū makasini ʻa e Siasí, ʻi he ʻū uepisaití mo e mītia fakasōsialé, pea lava ke kau ʻi he ngaahi lipooti faka-Siasí, naunau pākí, ʻū vitioó, pulusí, mo e naunau akó.” ‘Oku ʻikai ke mau faʻa tatali ke fanongo meiate koe!