Ko e Tohi ʻa Molomona Mahuʻingá

Fai ʻe Palesiteni Russell M. Nelson

Toʻo mei he “Kau ʻa e Houʻeiki Fafiné ki Hono Tānaki ʻo ʻIsilelí,” Liahona, Nōv. 2018, 68–70; mo e “Ko e Tohi ʻa Molomoná: Ne Mei Fēfē Nai Hoʻo Moʻuí Ka Ne ʻIkai Ia?” Liahona, Nōv. 2017, 60–63.

ʻOku mahuʻinga fēfē kiate koe ʻa e Tohi ʻa Molomoná? Kapau ʻe foaki atu kiate koe ha taiamoni, makakoloa pe Tohi ʻa Molomoná, ko e fē meʻa te ke filí? Ko e Tohi ʻa Molomoná ko e folofola moʻoni ia ʻa e ʻOtuá. ʻOkú ne akoʻi fekauʻaki mo Sīsū Kalaisi.

ʻOku ou fakaafeʻi ke mou lau ʻa e Tohi ʻa Molomoná he ʻaho kotoa pē. Lotua pea fakakaukau ki he meʻa ʻokú ke akó.

ʻI hoʻo fai ʻení, ʻoku ou talaʻofa atu:

Te ke ongoʻi ofi ange ai ki he Fakamoʻuí.
Te ke fai ha ngaahi fili lelei ange—he ʻaho kotoa pē.
ʻE tokoniʻi mo ueʻi fakalaumālie koe ʻe he Tamai Hēvaní.
Te ke lava ʻo ikunaʻi ʻa e ngaahi ʻahiʻahiʻí.
ʻE hanga ʻe he Tohi ʻa Molomoná ʻo fakafiemālieʻi koe, fakamālohia koe, pea fakafiefiaʻi koe.
ʻE kamata ke hoko ha ngaahi liliu mo ha ngaahi mana!

ʻOku Mahuʻinga Fēfē Kiate Koe ʻa e Tohi ʻa Molomoná?

Ko e taʻu ní ʻoku mau tānaki ha ngaahi talanoa, ʻū tā, mo ha ʻū tā fakatātā fekauʻaki mo e Tohi ʻa Molomoná. Te mau fakaʻaliʻali ia pea pulusi hanau konga ʻi he makasiní!

Ko e taimi ne u poto ai he laukongá, ne mai heʻeku faʻeé ha Tohi ʻa Molomona peá ne kole mai ke u lau ia ko ha teuteu ki hoku papitaisó. Talu mei ai mo ʻeku lau ia ʻi he ʻaho kotoa pē. Ko e talanoa ʻoku ou manako taha aí ko e taimi naʻe maʻu ai ʻe Līhai ʻa e Liahoná.

Keila S., taʻu 7, Mekisikou Siti, Mekisikou

Ne u ʻoange ha Tohi ʻa Molomona ki ha taha hoku ngaahi kaungāako ʻi he akó.

Felipe M., taʻu 9, Sao Paulo, Palāsila

ʻAla K., taʻu 9, Nuevo Lioni, Mekisikou

“ʻAkau ʻo e Moʻuí,” Lāsolo K., taʻu 8, Kalolaina Tokelau, USA

ʻOmi Hoʻo Fakatātaá pe Aʻusiá!

Tā ha fakatātā, faitaaʻi ha laʻitā, pe tohi fekauʻaki mo e Tohi ʻa Molomoná.
ʻOmi ia kiate kimautolu! Vakai ki he takafi muí ke ke ʻiloʻi ʻa e foungá.
Sio ʻi he Ko e Kaumeʻá he māhina kotoa ke vakai ki he founga ʻoku muimui ai ʻa e fānaú ki he fakaafe ʻa Palesiteni Nalesoni ke tau lau ʻa e Tohi ʻa Molomoná.