Ngaahi Talanoa Mei he Folofolá
ʻOku ʻOmi ʻe Nīfai ʻa e ʻŪ Lauʻi Peleti Palasá
Tā fakatātaaʻi ʻe Apryl Stott
Naʻe fononga e fāmili ʻo Līhai mo Selaiá ki he fonua ʻo e talaʻofá. Naʻe folofola ʻe he ʻOtuá kia Līhai ke fekauʻi hono ngaahi fohá ke nau foki ki Selusalema ke ʻomi e ngaahi folofolá. Naʻe hiki ia ʻi ha ʻū lauʻi peleti ukamea.
Naʻe pehē ʻe Leimana mo Lēmiuela ʻe fuʻu faingataʻa ia. Ka naʻe pehē ʻe Nīfai te ne ʻalu ʻo fakahoko e meʻa naʻe fekau ʻe he ʻOtuá. Naʻe muimui ʻa Samu ʻi he sīpinga ʻa Nīfaí.
Naʻe fakahā ʻe he Laumālié kia Nīfai e founga ke maʻu ai ʻa e ʻū lauʻi peleti palasá mei ha tangata faiangahala ko hono hingoá ko Lēpani.
Naʻe fakafoki mai ʻe Nīfai mo hono ngaahi tokouá ʻa e ʻū lauʻi peleti palasá ki honau fāmilí. Naʻe mātuʻaki fiefia ʻaupito ʻa Līhai mo Selaia! Ne nau ako e folofola ʻi he ʻū lauʻi peletí. Ne nau ako fekauʻaki mo e ngaahi fekau ʻa e ʻOtuá.
Te u lava ʻo tokoni ki hoku fāmilí ke nau ako e folofolá. Te u lava ʻo loto-toʻa hangē ko Nīfaí ʻo “ʻalu ʻo fai” e ngaahi fekau ʻa e ʻOtuá! ●