Dali, Sunod Kanako: Basahon ni Mormon

Sa unsang paagi nga ako mamahimong asin sa yuta?

3 Nephi 12–16

Septyembre 21–27

Ubos sa balaod ni Moises, ang karne kinahanglang asinan sa dili pa kini gamiton isip usa ka halad (tan-awa sa Levitico 2:13). Sama sa inasinan nga karne alang sa halad, kita makatabang sa pag-andam sa kalibutan alang sa Ginoo pinaagi sa pagkahimong “asin sa yuta” (3 Nephi 12:13).

“Ako mohatag nganha kaninyo nga kamo mahimo nga asin sa yuta; apan kon ang asin mawad-an sa iyang lami asa kini i-asin sa yuta? Ang mao nga asin wala nay kapuslanan, ug ilabay sa gawas ug pagatunob-tunoban sa tiil sa mga tawo” (3 Nephi 12:13; emphasis added).

Asin sa yuta: Kon kita mohimo og pakigsaad uban ni Jesukristo, kita nagsaad sa pag-andam sa kalibutan alang sa Iyang Ikaduhang Pag-anhi (tan-awa sa Doktrina ug mga Pakigsaad 34:5–7).

Mawad-an sa lami: Kita kinahanglan nga mahimong “kahayag ngadto sa kalibutan” ug motabang sa uban sa pagduol kang Kristo. Kon kita mobaliwala sa pagbuhat sa ingon, kita mahimong “ingon sa asin nga nawad-an sa lami niini” (Doktrina ug mga Pakigsaad 103: 9–10).

Wala nay kapuslanan: Asin nga mawad-an og lami mahimong wala nay kapuslanan. Kita mao ang asin sa yuta kon kita “mobarug ingon nga mga saksi sa Dios sa tanan nga mga panahon ug diha sa tanan nga mga butang, ug diha sa tanan nga mga dapit nga [kita] mahimo nga maanaa’ (Mosiah 18:9).

“Isip mao ang asin sa yuta,’ kita usab mao ang ‘kahayag sa kalibutan,’ ug ang atong kahayag kinahanglan nga dili tagoan (tan-awa sa Mateo 5:13–16).”

Presidente Dallin H. Oaks, Unang Magtatambag sa Unang Kapangulohan, “Malimpyo Pinaagi sa Paghinulsol,” Liahona, Nob 2003, 40.

Panaghisgutan

Sa unsang paagi ako mas motahud sa akong mga pakigsaad sa Dios? Unsaon nako nga mahimong “asin sa yuta” ug makapanalangin niadtong naglibut kanako?

Paghulagway gikan sa Getty Images