Եկեղեցին անցկացրեց «Փրկիչ Հիսուս Քրիստոսը» բաց դռների օր
2019 թվականի հուլիսի 15-ին, Հիսուս Քրիստոսի Վերջին Օրերի Սրբերի Եկեղեցու Ստարա Զագորա ճյուղում անցկացվեց «Փրկիչ Հիսուս Քրիստոսը» թեմայով բաց դռների օր։
Միջոցառումը վարում էր Ստարա Զագորա ճյուղի նախագահության երկրորդ խորհրդական Դիան Բեշկովը:
Քույր Դեյլանա Պեյկովան խոսեց Փրկիչի նախաերկրային և մահկանացու կյանքի մասին: Նա խոսեց երկնքի Մեծ խորհրդի մասին, որտեղ Հիսուս Քրիստոսն ընտրվեց, որ լինի մեր Փրկիչը: Նա խոսեց Փրկիչի ուսմունքների և Նրա կատարած հրաշքների մասին: Նա բացատրեց, թե որն է Փրկիչի Քավությունը. Գեթսեմանիի պարտեզում և խաչի վրա Նա Իր վրա վերցրեց բոլոր մարդկանց մեղքերը, որից հետո Նա հարություն առավ:
Քույր Տանյա Դենևան նկարագրեց Հիսուս Քրիստոսի կյանքը Նրա հարությունից հետո: Նա օրինակներ բերեց Իր հետևորդներից շատերին Քրիստոսի հայտնվելու մասին: Նա բացատրեց, որ Փրկիչը խոստացել է, որ մեզ չի թողնի մենակ և մեզ կուղարկի Սուրբ Հոգուն: Նա խոսեց նաև այն մասին, թե Հիսուս Քրիստոսն ինչպես Իր Երկնային Հոր հետ հայտնվեց Ջոզեֆ Սմիթին և այդպիսով Երկրի վրա վերականգնեց Իր ճշմարիտ եկեղեցին:
Դրան հաջորդեց երաժշտական համար միսիոներների կողմից, ովքեր երգեցին «Գիտեմ ապրում է Փրկիչն իմ» օրհներգը:
Ճյուղի նախագահության առաջին խորհրդական եղբայր Կանչո Դիմիտրովը խոսեց այն մասին, թե ինչպես կարող ենք ավելի մոտենալ Հիսուս Քրիստոսին: Ընդունելով ավետարանի սկզբունքներն ու արարողությունները, մենք մեզ ազատում ենք բնական մարդուց և հրավիրում ենք Տիրոջ Հոգին:
Քույր Ամանդա Դիմիտրովան, եղբայր Յորդան Յորդանովը, երեց Վինսենթը, երեց Վուդն ու երեց Բլաքբըրնը կիսվեցին իրենց վկայություններով:
Միջոցառումն ավարտվեց Եկեղեցու անդամների և այցելուների միջև ընկերական զրույցներով։