Dali, Sunod Kanako

Sa unsang Paagi ang kaalam sa Ginoo makapanalangin sa atong kinabuhi?

Pebrero 1–7

Sa dihang nawala ni Martin Harris ang 116 ka pahina sa manuskrito sa Basahon ni Mormon, ang Ginoo miingon kang Joseph Smith, “Hinumdumi nga dili ang buhat sa Dios ang makawang, apan ang buhat sa mga tawo” (Doktrina ug mga Pakigsaad 3:3).

Tan-awa kining han-ay sa panghitabo aron makita kon sa unsang paagi ang Ginoo mihulip sa mga pahina nga Iyang nahibaloan nga mawala.

600 B.C.—Rekord ni Nephi

Ang Ginoo midasig ni Nephi sa pagsulat og ikaduhang rekord (sa gagmayng mga palid ni Nephi). Siya wala makasabut kon ngano, apan si Nephi adunay hugot nga pagtuo nga kini “alang sa usa ka maalamon nga katuyoan” (1 Nephi 9:5).

400 A.D.—Minubo ni Mormon

Ang Ginoo midasig ni Mormon sa paglakip sa gagmay nga mga palid ni Nephi diha sa iyang giminubo nga dagkong mga palid ni Nephi. Bisan og ang duha ka mga palid naglakip sa daghang managsama nga materyal, siya usab adunay hugot nga pagtuo nga kini “alang sa usa ka maalamon nga katuyoan” (Mga Pulong ni Mormon 1:7).

1828–29—Pagpadayag ngadto ni Joseph Smith

Ang Ginoo misulti ni Joseph nga dili hubaron ang nawala nga 116 ka pahina tungod kay “Si Satanas nagbutang niini ngadto sa kasingkasing [sa dautang mga tawo] sa pag-usab sa mga pulong” aron sa pagpakaulaw sa buhat ni Joseph (tan-awa sa Doktrina ug mga Pakigsaad 10:10–13). Ang nawala nga mga pahina ug ang gagmayng mga palid naglakip sa mga panhitabo sa samang panahon (600–130 B.C.)

2021—Nag-andam ang Ginoo og Paagi

Sama nga nahulipan sa Dios ang nawala nga mga pahina, Siya nag-andam og mga paagi karon aron sa pagbabag sa mga paningkamot ni Satanas sa pagpahuyang sa atong hugot nga pagtuo. Ang atong tahas mao ang pagkahimong “matinud-anon ug pagpadayon” aron “ang ganghaan sa impyerno dili makabuntog batok [kanato]” (Doktrina ug mga Pakigsaad 10:3, 69).

Pagkatawo ni Kristo

600 BC

400 AD

1000

1800

2000

Mga paghulagway ni Bryan Beach